ShQO-da teatr qoıylymdary telearnadan tikeleı efırde kórsetiledi

ÓSKEMEN. QazAqparat – Shyǵys Qazaqstan oblysynda teatr qoıylymdary jergilikti telearnadan tikeleı efırde kórsetiledi, dep habarlaıdy QazAqparat tilshisi.

Uqsas jańalyqtar

Arhımed Muhambetov jergilikti teatr ártisterimen kezdesti

95 jyldyq mereıtoı: Elimizdiń tuńǵysh teatryna «ulttyq» mártebe berildi

ShQO drama teatry 7 jeltoqsannan bastap kórermenderin qaıta qýantpaq. Buǵan deıin mádenıet oshaǵy shekteý sharalarynyń kúsheıýine baılanysty óńirdegi ózge de uıymdar sekildi óz jumysyn toqtatqan bolatyn.

Oblystyq bas memlekettik sanıtar dáriger mindetin atqarýshynyń 2 jeltoqsandaǵy jańa qaýlysynda teatrlarǵa birneshe talappen jumysyn jalǵastyrýǵa ruqsat berildi.

«Spektaklder tek jumys kúnderi ótedi. Bılet sany da shekteýli. Kórermender shahmat tártibimen otyrǵyzylyp, zal tek 50 paıyzǵa tolýy tıis. Ónersúıer qaýym mindetti túrde maska taǵyp, áleýmettik qashyqtyqty saqtaýy qajet» delingen ShQO aqparat ortalyǵy taratqan málimette.

8 jeltoqsanda M.Zadornovtyń «Vabank, ılı poslednıaıa popytka» komedııasynyń qoıylymy, 9 jeltoqsanda ıÝ.Týpıkınanyń «Ba» kloýnada elementteri bar komedııasynyń kórsetilimi josparlanyp otyr.

Sonymen qatar aımaqtaǵy epıdemıologııalyq jaǵdaıǵa baılanysty Drama teatr kórermendermen kezdesýdiń jańa formatyn izdestirýde.

Osy rette teatr ujymy «ALTAI» telearnasymen birlesip, teleefırde spektaklderdi onlaın translıatsııalaý jobasyn iske qospaq.

Translıatsııa baǵdarlamasyna Dıdahmet Áshimhanovtyń povesi boıynsha «Alas», Avksentıı Tsagarelıdiń «Hanýmanyń áreketteri» jáne Edýardo De Fılıpponyń «Elester» qoıylymdary endi.

Kórermender alǵashqy qoıylymdy jaqyn arada tamashalaıdy.