ShQO-da taýda jarylys jasalyp, 4 myń tekshe metrge jýyq qar túsirildi
ÓSKEMEN. QazAqparat – Shyǵys Qazaqstan oblysynda taýda jarylys jasalyp, 3900 tekshe metr qar túsirildi, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, óńirde jasandy jolmen qar kóshkini túsirildi.
«Qutqarýshylar men «Qazseldenqorǵaý» ShQ fılıalynyń mamandary «Óskemen-Altaı» tasjolynyń 58-66 shaqyrymynda profılaktıkalyq maqsatta qar kóshkinin túsirdi. Taý bókterinde 2 jarylys jasalyp, nátıjesinde 3900 tekshe metr qar tústi», - delingen aqparatta.
Oblys boıynsha qys mezgiliniń basynan beri barlyǵy 244 060 tekshe metr qar túsirilgen.
«Arnaıy baqylaýshy mamandar kóshkin qaýpi týraly boljam jasaıdy. Sonyń negizinde joldy jaýyp, jarylǵysh zattardyń kómegimen qardy ýaqtyly túsiremiz. Bul oqys jaǵdaılardyń aldyn alýdaǵy óte tıimdi ádis», - deıdi «Qazseldenqorǵaý» ShQ fılıalynyń basshysy Omar Dúzgimbaev.
Foto: ShQO tótenshe jaǵdaılar departamenti
Jańalyqtar
