ShQO-da sońǵy bes jylda 2 myńnan astam kópbalaly otbasyna baspana berildi
2022 jylǵy 28 sáýir 02:19

ShQO-da sońǵy bes jylda 2 myńnan astam kópbalaly otbasyna baspana berildi

ÓSKEMEN. QazAqparat – Shyǵys Qazaqstan oblysynda sońǵy bes jylda 2 myńnan astam kópbalaly otbasyna baspana berildi, dep habarlaıdy QazAqparat tilshisi.

Bul jaıly búgin ShQO ákimdiginde ótken jınalys barysynda aımaq basshysy Danıal Ahmetov málim etti.

«Jyl saıyn óńirde kópbalaly otbasylarǵa beriletin baspana sany artyp kele jatyr. Biraq soǵan qaramastan úı kezeginde turǵandar kóbeıip keledi. Máselen, osydan bes jyl buryn baspana kezeginde 500-ge jýyq kópbalaly ana bolsa, qazir olardyń sany 3 myńǵa jetip otyr. Bul bir jaǵynan halyqtyń memlekettiń turǵyn úımen qamtamasyz etý jumystaryn tıisti deńgeıde atqaryp jatqanyn túsinip, bılikke senim artatynynyń belgisi», - dedi ol.

Oblys ákiminiń aıtýynsha, sońǵy bes jylda 2 myńnan astam kópbalaly otbasyǵa baspana berilgen.

«Baspana bólýde eshqandaı daý-damaı joq. Sebebi qazir óńirde kópbalaly analar komıssııasy qurylǵan. Olar úı berý máselesine tikeleı aralasýda», - dedi Danıal Ahmetov.

Esterińizge sala ketsek, osyǵan deıin ShQO joldaryn kútip-ustamaǵany úshin 100-den astam sheneýnik jazalanǵanyn habarlaǵan edik.


Jańalyqtar

Úrdis

MURAǴAT