Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 386.04 EUR 427.77
RUB 5.88 CNY 54.45
Jańalyqtar

ShQO-da sheteldik kompanııa qyzmetkerleriniń eńbek kelisimsharttary tekseriledi

2019 jylǵy 17 shilde 19:09 245
Bólisińiz:
ShQO-da sheteldik kompanııa qyzmetkerleriniń eńbek kelisimsharttary tekseriledi

ÓSKEMEN. QazAqparat - Búgin Shyǵys Qazaqstan oblysy ákiminiń orynbasary Almashan Smatlaev bastaǵan arnaıy jumys toby bas merdiger «Sınsın» kompanııasy júrgizip jatqan «Qalbataý-Maıqapshaǵaı» jol jóndeý ýchaskesindegi jumysshylarmen kezdesti, dep habarlaıdy QazAqparat ákimniń baspasóz qyzmetine silteme jasap.

Óńir basshysy Danıal Ahmetovtiń tapsyrmasyna sáıkes iske kirisken jumys tobynyń quramynda oblystyq prokýratýra, oblystyq polıtsııa departamenti, oblystyq eńbek ınspetsııasy basqarmasy, Kólik jáne avtomobıl joldary basqarmasynyń basshylary, Taýar jáne qyzmet qaýipsizdigi sapasyn baqylaý departamenti, «QazAvtoJol» AQ ShQOF basshylary bar.

Jumysshylardyń qoıǵan basty talaby – jumys jáne turý sharttaryn jaqsartý, jalaqy mólsherin kóterý. Kezdesý barysynda oblys basshylyǵymen «Sınsın» kompanııasynyń bas dırektory arasynda ortaq kelisim hattamasyna qol qoıyldy.Oǵan sáıkes barlyq eńbek kelisimderi QR zańnamasyna sáıkes retke keltirilip, jumysshylarǵa 3 kún merziminde túsindiriletin bolady.

«Eger jumysshylar túngi ýaqytta, demalys kúnderi, belgilengen ýaqyttan tys eńbek etse, jalaqy mólsheri 1,5 ese kóleminde tólenedi. 10 kún ishinde barlyq turǵylyqty jerlerde salqyndatqyshtar ornatylyp, QR zańnamasyna sáıkes retke keltiriledi. Barlyq jumysshylarǵa 10 kún merziminde arnaıy jumys kıimi beriletin bolady.

Jumysshylardyń turatyn jerlerinde kúnine úsh ret tamaqtandyrý uıymdastyrylady. Jumysshylardyń eń tómengi jalaqy mólsheri 80 myńnan 120 myń teńgege kóteriledi.

Jalpy jumysshylardyń jalaqysy atqarǵan jumystaryna sáıkes 120 myńnan 360 myń teńgege deıin bolady», delingen habarlamada.

Ákimdiktiń málimetinshe, jaǵdaı qalypqa keltirilgnen, mekeme kestege sáıkes jumys istep tur. Saǵat 14.00-ge qaraı barlyq jumysshylar óz mindetterin atqarýǵa kiristi. Jumysshylar oblys basshylyǵyna máseleni tezdetip sheship jáne kórsetilgen kómekteri úshin rızashylyqtaryn bildirdi.

Budan tys, ShQO boıynsha memlekettik eńbek ınspektsııasy basqarmasyna, «QazAvtoJol» AQ ShQOF-na (kelisim boıynsha) jáne ózge jaýapty quzyrly organdar aldyna Qazaqstan Respýblıkasy zańnamasyna sáıkes eńbek kelisimderine tekserý jumystaryn júrgizý mindeti júkteldi. Sonymen qatar jol qurylysy men jóndeý jumystaryna jumyldyrylǵan sheteldik kompanııalardaǵy qazaqstandyq jumysshylarǵa jalaqy tóleý men eńbek jaǵdaıyn jasaýdy baqylaý mindettelip otyr.

Hattamanyń oryndalýyna ShQO ákimdigi tarapynan baqylaý júrgiziledi.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT