ShQO-da shetelden kelgen 60 adamnan koronavırýs anyqtalǵan

ÓSKEMEN. QazAqparat – Shyǵys Qazaqstan oblysynda pandemııa bastalǵaly beri koronavırýstyń syrttan kelgen 60 jaǵdaıy tirkeldi, dep habarlaıdy QazAqparat tilshisi.

Óńirde COVID-19 ınfektsııasyn basqa memleketterde juqtyrý jaǵdaılary da tirkelýde. Qaýipti dert QR azamattarynan jáne Qazaqstanda turýǵa yqtııarhaty bar reseılikterden tabylǵan.

ShQO Sanıtarlyq-epıdemıologııalyq baqylaý departamentiniń málimetinshe, pandemııa kezeńinde osyndaı 60 jaǵdaı anyqtaldy. Qazan aıynda Reseı Federatsııasynyń shekarasymen karantındik sharalardyń kúsheıtilýi nátıjesinde 32 jaǵdaı tirkeldi. Olardyń barlyǵy Qazaqstan Respýblıkasynyń azamattary.

- 7 fakti azamattardyń óz ótinishteri boıynsha belgili boldy. Onyń ishinde shekaradan ótý kezinde 2 jaǵdaı anyqtalǵan. Al 5 adamda vırýs birden tabylmady. Olar shekaradan COVID-19-dyń teris nátıjesi bar anyqtama qaǵazy arqyly ótken. Alaıda birneshe kún ótkennen keıin aýrýdyń ınkýbatsııalyq kezeńine sáıkes keletin PTR nátıjesi oń bolyp shyqty. Budan bólek, zertteý barysynda ınfektsııa anyqtalǵan 23 adam karantındik statsıonarǵa jiberilgen, - dedi oblystyq Sanıtarlyq-epıdemıologııalyq baqylaý departamentiniń ókili Talǵat Tuńǵyshbaev.

Onyń aıtýynsha, koronavırýstyń Qytaıdan ákelingen jaǵdaılary tirkelmegen.