+7 (701) 759 90 19
USD 429.75 EUR 507.45
RUB 5.61 CNY 63.93
Jańalyqtar

ShQO-da «Shańyraq» baǵdarlamasy boıynsha 6 kópqabatty úı boı kóteredi

2020 jylǵy 26 qyrkúıek 02:57
Bólisińiz:
ShQO-da «Shańyraq» baǵdarlamasy boıynsha 6 kópqabatty úı boı kóteredi

ÓSKEMEN. QazAqparat – Shyǵys Qazaqstan oblysynyń turǵyndary «Shańyraq «5-10-20» baǵdarlamasy boıynsha jańa turǵyn úı ala alady, dep habarlaıdy QazAqparat tilshisi.

Uqsas jańalyqtar
Sýmen jabdyqtaý jobalaryna otandyq materıaldar paıdalaný kerek - Úkimet basshysy Elimizdiń 53 qalasynda kárizdik-tazartý qondyrǵylary salynady Qaraǵandy oblysynda sý tartý boıynsha 90 joba júzege asyrylady

«Shańyraq «5-10-20» qanatqaqty jobasy «Nurly jer» memlekettik baǵdarlamasynyń jańa baǵyttarynyń biri. Memleket basshysynyń tapsyrmasy boıynsha qolǵa alynǵan jobany Turǵyn úı qurylys jınaq banki júzege asyrady. Basty maqsat – qazaqstandyqtardy tıimdi zaım berý arqyly baspanamen qamtamasyz etý.

Jyldyq mólsherlemesi 5%-ǵa teń. Turǵyn úı qunynyń alǵashqy 10%-yn jınaý qajet. Nesıelendirý merzimi – 20 jyl.

Qazaqstan Turǵyn úı qurylys jınaq banki AQ ShQOF dırektory Nazıgúl Akkýlovanyń aıtýynsha, «Shańyraq» jobasy aıasynda jeńildetilgen nesıeni eń aldymen, baspanaǵa muqtaj jan retinde 1986 jyldan 2015 jylǵa deıingi merzimdi qosa alǵanda jergilikti ákimdik kezegine turǵan Qazaqstan Respýblıkasynyń azamattary ala alady.

Ótinishterdi qabyldaý merzimi aıaqtalǵan soń banktiń «Shańyraq» jobasyn qarjylandyrýǵa qarajaty jetkilikti bolsa, onda keıingi jyldary ákimdikte turǵyn úı kezeginde turǵan jandar qatysýy múmkin. Sondaı-aq baǵdarlamaǵa qatysý úshin sońǵy alty aı kólemindegi otbasynyń ár múshesiniń basyna shaqqandaǵy januıalyq tabysynyń bir aılyq kólemi kúnkóris mınýmýmynyń 3 eselengen somasynan aspaýy tıis. Demek, 2020 jyly otbasynyń ár múshesine keletin tabys kólemi 101 271 teńge bolýy kerek.

«Bul baǵdarlama boıynsha tek qana birinshi naryqtaǵy turǵyn úılerdi satyp alýǵa bolady. Atalmysh baǵdarlama boıynsha salynyp jatqan baspanalardyń tizimin hcsbk.kz saıtynan kóre alasyzdar», - dedi Nazıgúl Akkýlova.

Shyǵys Qazaqstanda «5-10-20» baǵdarlamasy boıynsha 6 turǵyn úıdiń qurylysy júrip jatyr. Atap aıtsaq, Óskemende 64 páterli 4 úı men 72 páterli bir turǵyn úı boı kóterýde. Sonymen qatar Ulan aýdanynda 80 páterli turǵyn úı salynýda. Bul baspana osy jyldyń qarasha aıynda qoldanysqa beriledi dep josparlanǵan. Al oblys ortalyǵyndaǵy úılerge 2021 jyly qonystanýǵa bolady.

Nesıelik turǵyn úılerdiń 1 sharshy metri óńir turǵyndary úshin 160 myń teńgeni quraıdy. Óńirde atalmysh baǵdarlama boıynsha boı kótergen baspananyń baǵasy 12 mıllıon teńgeden aspaýy tıis.

Ákimdik kezeginde turǵan azamattar oǵan qatysýǵa ótinish bildirý úshin hcsbk.kz saıtyna tirkelý qajet. Ótinishterdi qabyldaý merzimi 17 qyrkúıek pen 16 qazan aralyǵynda júrgiziledi.


Bizdiń kanalymyzǵa jazylyńyz:

Bólisińiz:

Avtor:

Talǵatjan Muhametbekuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT