+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

ShQO-da sel qaýpin tóndiretin 146 muzdaq kól bar

2021 jylǵy 3 tamyz 20:19
Bólisińiz:
ShQO-da sel qaýpin tóndiretin 146 muzdaq kól bar

ÓSKEMEN. QazAqparat – Shyǵys Qazaqstan oblysynda «Qazseldenqorǵaý» fılıalynyń mamandary muzdaq kólderge baqylaý júrgizýde, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, «Qazseldenqorǵaý» fılıalynyń mamandary Rıdder qalasyndaǵy Aq Úbi ózeniniń joǵarǵy saǵasyndaǵy muzdaq kólderge batımetrııalyq zertteý júrgizdi.

«Atalǵan ýchaskede osyndaı 12 kól bar. Mamandar onyń 2-in zerttep shyqty. Olar teńiz deńgeıinen 2 myń metr bıiktikte ornalasqan. Sýy kógildir jáne móldir bolǵandyqtan jartastyń túbi kózge anyq shalynady. Bul kólder qar men jańbyr sýynyń erýi nátıjesinde paıda bolǵan», - dep habarlady vedomstvo ókilderi.

Zertteýshiler taý kólderiniń aýdany men tereńdigin birneshe jerden ólshegen. Bul málimetter sý astyndaǵy relefti baqylaý jáne sý kólemin anyqtaý úshin qajet. 2 kóldiń tereńdigi – 33,6 jáne 9 metr. Olardyń tolymdylyǵy 60% jetpeıdi.

«Qoryta aıtqanda, mamandar qazirgi ýaqytta muzdyń joq ekendigin, selge qarsy aldyn alý sharalaryn júrgizýdiń qajettiligi joqtyǵyn anyqtady. Jalpy óńir taýlarynda barlyǵy 13 eldi mekenge qaýip tóndiretin 146 muzdaq kól bar. Bul kólderdiń basym bóligi Zaısan, Katonqaraǵaı, Altaı aýdandarynda jáne Rıdder qalasynda ornalasqan. Búgingi tańda aımaq boıynsha jaǵdaı turaqty. Sel qaýpi bar maýsym qyrkúıek aıyna deıin sozylady», - delingen málimette.


Bizdiń kanalymyzǵa jazylyńyz:

Bólisińiz:

Avtor:

Talǵatjan Muhametbekuly

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Úmbet Sholpan
Úmbet Sholpan
954-059
REDAKTOR
Janat Qapalbaeva
Janat Qapalbaeva
954-059

MURAǴAT