ShQO-da perzenthanalardy jabdyqtaýǵa 5 mlrd teńge bólinedi

ÓSKEMEN. QazAqparat – Shyǵys Qazaqstan oblysynda perzenthanalarǵa zamanaýı medıtsınalyq jabdyqtar satyp alýǵa 5 mlrd teńge bólinedi, dep habarlaıdy QazAqparat tilshisi.

Uqsas jańalyqtar

Koronavırýs: Qostanaı oblysy «jasyl aımaqqa» kirdi

Qazaqstanǵa AstraZeneca vaktsınasy jetkizile me – mınıstrlik jaýaby KVI: Emdelip jatqan 579 adamnyń jaǵdaıy aýyr BQO-da tórtinshi toqsanda 115 oqýshydan koronavırýs tabyldy

Bul jaıly aımaq basshysy Danıal Ahmetov Facebook jelisindegi jeke paraqshasynda jazdy.

«Shyǵys Qazaqstan aýdandarynda bosandyrý qyzmetin kórsetýdi jańǵyrtý boıynsha kezekti keńes ótkizdim. Bıyl bul – óńirdiń densaýlyq saqtaý salasyn damytýdaǵy negizgi baǵyty. Perzenthanalardy joǵary sapaly medıtsınalyq jabdyqtarmen jabdyqtaýǵa bes mıllıard teńge bólinedi. Sonymen qatar perzenthanalar ornalasqan keıbir medıtsınalyq mekemelerge kúrdeli jóndeý qarastyrylǵan. Qazir smetaǵa túzetý engizilýde, bir aptadan keıin daıyn bolýy tıis», - dedi ol.

Osy keshendi sharalar áıelderge óz aýylynan júzdegen shaqyrym qashyqtyqqa sabylmaı, sol jerde bosanýyna jaǵdaı jasaıdy.

«Júıeni modernızatsııalaý salmaǵy bir jarym keliden asatyn nárestelerdi kútýge, aýyr jaǵdaıdaǵy áıelderdi bosandyrýǵa múmkindik beredi. Budan bólek, Óskemen men Semeıdiń perınataldyq ortalyqtaryn da qosymsha jabdyqtaý úshin qarajat bólinedi», - dedi Danıal Ahmetov.