ShQO-da mal urlyǵyna qatysty 40 qylmys ashyldy

ÓSKEMEN. QazAqparat – Shyǵys Qazaqstan oblysynda mal urlyǵyna qatysty 40 qylmys ashyldy, dep habarlaıdy QazAqparat tilshisi.

Uqsas jańalyqtar

Polıtsııa qyzmetkerleri bir aptada 9 kisi óltirý qylmysyn ashty

ShQO-da qar qursaýynda qalǵan 8 adam qutqaryldy Semeıde polıtseıler 4 adamdy órtten qutqardy ShQO-da jol apatynan 1 adam kóz jumyp, 4 adam jaraqat aldy

ShQO Polıtsııa departamenti baspasóz qyzmetiniń málimetine súıensek, mal urlyǵyna qatysty qylmystardy ashý jáne aldyn alý maqsatynda óńir boıynsha «Mal urlyǵy» jedel aldyn alý sharasy júrgizildi.

Shara barysynda tártip saqshylary 660-tan astam sharýa qojalyǵyn, 314 mal men et ónimderi saýdalanatyn oryndardy (bazarlar, dúkender, pavılondar) jáne mal men et ónimderin tasymaldaıtyn 800-ge jýyq kólikti tekserdi.

Nátıjesinde 835 bas mal arnaıy orynǵa qamalyp, olardyń ıeleri QR ÁQbT-niń 408-babyna sáıkes (mal jaıý erejelerin buzý) ákimshilik jaýapqa tartyldy. Sonymen qatar mal men et ónimderin tasymaldaý jáne satý boıynsha 50-den astam ákimshilik quqyqbuzýshylyq anyqtaldy.

«Jedel aldyn alý sharasy kezinde oblysta mal urlyǵynyń 11 faktisi tirkelip, onyń 9-y tez arada ashyldy. Osyǵan deıin jasalǵan 31 mal urlyǵy áshkerelendi», - dedi ShQO PD bastyǵy Saǵat Mádıev.

Shyǵys Qazaqstan oblysynyń polıtseıleri tórt kún ishinde mal urlaǵan 21 adamdy ustap, 3 qylmystyq toptyń jolyn kesti. 101 bas mal ıelerine qaıtarylyp, jalpy somasy 33 mıllıon teńgeden astam materıaldyq shyǵyn ótelgen.

Esterińizge sala ketsek, osyǵan deıin ShQO-da jeńgetaılyqpen aınalysqan 3 adamnyń ustalǵany habarlanǵan.