Jańalyqtar  >
ShQO-da kópqabatty úıdiń turǵyny shylym shegip jatyp qalǵyp ketken
2022 jylǵy 15 tamyz 04:20

ShQO-da kópqabatty úıdiń turǵyny shylym shegip jatyp qalǵyp ketken

ÓSKEMEN. QazAqparat – Shyǵys Qazaqstan oblysynda úıde temegi shegip órt shyǵýyna sebepker bolǵan adam qutqaryldy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, qutqarýshylar Qabanbaı batyr kóshesindegi órt shyqqan kópqabatty úıden turǵyndardy evakýatsııalap, er adamdy aman alyp qaldy.

«Tilsiz jaý tórtinshi qabatta ornalasqan páterden shyqqan. Órt sóndirýshiler bólimsheleri oqıǵa ornyna kelgen ýaqytta úı ishinde jıhazdyń aǵash qurylymdary men matras janyp jatty. 10 turǵyn óz betimen syrtqa shyǵyp úlgergen. Qutqarýshylar tútin basqan aýmaqtan taǵy úsh adamdy shyǵardy», - delingen aqparatta.

Órt bolǵan páterden 1966 jyly týǵan er adam qutqarylǵan. Apattar medıtsınasy ortalyǵynyń dárigerleri teksergen soń onyń densaýlyǵyna eshqandaı zaqym kelmegeni belgili boldy.

Kóp uzamaı jalpy aýdany 1 sharshy metrdi quraǵan jalyn sóndirildi. Órttiń shyǵýyna – úı ıesiniń sóndirilmegen shylymmen uıyqtap kete jazdaýy sebep bolǵan.

Uqsas jańalyqtar
Seriktester jańalyqtary

Jańalyqtar

Úrdis

MURAǴAT