+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

ShQO-da Konstıtýtsııanyń 25 jyldyǵy qalaı atalyp ótildi

2020 jylǵy 30 tamyz 22:53
Bólisińiz:
ShQO-da Konstıtýtsııanyń 25 jyldyǵy qalaı atalyp ótildi

ÓSKEMEN. QazAqparat – Shyǵys Qazaqstan oblysynda QR Konstıtýtsııasy kúnine oraı birqatar sharalar atqaryldy, dep habarlaıdy QazAqparat tilshisi.

Uqsas jańalyqtar
ShQO turǵynynyń kóliginen zańsyz aýlanǵan 60 keliden astam shaıan tabyldy Rıdderde joǵalyp ketken 5 jasar bala tabyldy Bıyl ShQO-nyń monıtorıngtik toptary 20 myńnan astam reıd júrgizdi

Egemendi Qazaqstannyń alǵashqy Konstıtýtsııasy 1993 jyly qabyldandy. Konstıtýtsııa bas memlekettik organdardy júıelendirýge baǵyttalǵan. 1995 jyly jalpy halyqtyq referendým ótti. Referendým barysynda Qazaqstan halqy jańa Konstıtýtsııanyń jobasyn maquldady. Oǵan 8 mıllıonnyń 89,14% daýys bergen edi. Qujatqa eki márte ózgertýler men tolyqtyrýlar engizilgen. 2007 jyly Konstıtýtsııaǵa jańa formattaǵy memlekettik qurylym – prezıdenttik-parlamenttik engizildi.

25 jyldyń ishinde Qazaqstannyń Ata Zańyna sáıkes ekonomıka, óndiris, ónerkásip, aýyl sharýashylyǵy, medıtsına jáne bilim salasy qarqyndy damydy. Konstıtýtsııa kúnine oraı Shyǵys Qazaqstandaǵy barlyq qala men aýdanda merekelik sharalar ótti.

Óńirde «Ata Zań aptasy» aktsııasy aıasynda oblystyq prokýratýra, notarıýster palatasy, kásipkerler palatasy men ádilet departamenti quqyqtyq saýaldar boıynsha onlaın-konsýltatsııa uıymdastyrdy.

Mádenıet salasynda túrli onlaın-áńgimeler, kitap kórmeleri, tarıh saǵattary men «Konstıtýtsııa – bolashaqtyń kepili», «Qazaqstannyń Demokratııalyq Konstıtýtsııaǵa deıingi tarıhı joly», «Konstıtýtsııa tarıhy – meniń elimniń tarıhy taqyryptary boıynsha elektrondy vıktorınalar ótkizildi.

Besqaraǵaı aýdanyndaǵy 10 kópbalaly otbasy úshin Ata Zańnyń 25 jyldyq mereıtoıy esten ketpesteı ótti. Bul kúni olarǵa jańa páterdiń kiltteri tabystaldy. Óńir jastary vıdeo-chellendj uıymdastyrdy.

S.Amanjolov atyndaǵy Shyǵys Qazaqstan memlekettik ýnıversıteti onlaın rejımde dóńgelek ústel ótkizdi. «Qazaqstan Respýblıkasynyń Konstıtýtsııasy: birlik, turaqtylyq jáne órkendeý» atty dóńgelek ústelge ǵalymdar, sarapshylar, sot ókilderi, prokýratýra jáne basqa memlekettik organdardyń qyzmetkerleri, sondaı-aq oqytýshylar men ýnıversıtettiń stýdentteri qatysty.

Óskemende Konstıtýtsııa kúnine oraı «Jas tehnıkter stansasy» atty kreatıvti bilim berý ortalyǵy ashyldy. Sonymen qatar oblys ortalyǵyndaǵy belsendi qala turǵyndaryna «Óskemen qalasynyń qurmetti azamaty» atty tósbelgiler tabystaldy.

Shemonaıha aýdanynyń jastary Voroshılov jáne Ivanovskıı jotalaryna baryp, Qazaqstan Respýblıkasynyń týyn tikti. Koronavırýs pandemııasyna oraı óńirde kóptegen merekelik sharalar onlaın rejımde uıymdastyryldy.

Oblys turǵyndary 2D jáne 3D grafıkasynyń kómegimen, sondaı-aq anımatsııa arqyly «El tiregi, el baqyty – Ata Zań!» atty kontsertti tamashalady. Óskemenniń ortalyq kóshelerinde merekege oraı qala turǵyndary tý men kitaptar taratty. Budan bólek shaharda 100 oryndyq balabaqsha qoldanysqa berildi. Atalmysh nysannyń qurylys jumystary jeke ınvestıtsııa kózderi esebinen salyndy. Semeı qalasynda «Ata Zań – el tiregi» atty onlaın konferentsııa uıymdastyryldy.

Jalpy aıtqanda, barlyq qala men aýdanda shyǵarmashylyq ujymdar men etnomádenı birlestikterdiń qatysýymen merekelik onlaın-kontsertter ótkizildi.


Bizdiń kanalymyzǵa jazylyńyz:

Bólisińiz:

Avtor:

Talǵatjan Muhametbekuly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT