Jańalyqtar  >

ShQO-da kólik jyraǵa qulap, 4 adam kóz jumdy

2022 jylǵy 3 qazan, 13:55
ShQO-da kólik jyraǵa qulap, 4 adam kóz jumdy

ÓSKEMEN. QazAqparat – Shyǵys Qazaqstan oblysy Kúrshim aýdanynda kólik jyraǵa qulap, 4 adam kóz jumdy, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, jol-kólik oqıǵasy «Úlken-Naryn-Kúrshim» tasjolynda bolǵan. Kúrshim aýdanynyń aýmaǵynda kele jatqan «Toyota 4Runner» markaly avtokóligin 27 jastaǵy er adam tizgindegen.

«Júrgizýshi jol durys kórinbeıtin ýchaskede qaýipsiz jyldamdyqty saqtamaǵan. Sonyń saldarynan kólik jol jıegine shyǵyp ketip, jyraǵa aýdarylyp tústi. 59, 53, 43 jáne 30 jastaǵy tórt jolaýshy oqıǵa ornynda mert bolǵan. Al kólik júrgizýshisi ártúrli dene jaraqattarymen aýdandyq aýrýhanaǵa jatqyzyldy», - delingen aqparatta.

Atalǵan fakti boıynsha QR QK-niń 345-baby 4-bóligi (Kólik quraldaryn basqaratyn adamnyń jol júrý erejelerin buzýynan abaısyzda eki nemese odan da kóp adamnyń ólimine ákep soǵýy) boıynsha sotqa deıingi tergeý amaldary bastaldy. Qazirgi ýaqytta birqatar sot saraptamasy taǵaıyndaldy. Sonyń nátıjeleri boıynsha protsessýaldyq sheshim qabyldanady.


Uqsas jańalyqtar
Seriktester jańalyqtary

Jańalyqtar