ShQO-da qoǵamdyq uıymdardyń jetekshileri referendýmǵa qatysty oılaryn ortaǵa saldy
2022 jylǵy 22 mamyr 04:14

ShQO-da qoǵamdyq uıymdardyń jetekshileri referendýmǵa qatysty oılaryn ortaǵa saldy

ÓSKEMEN. QazAqparat – Shyǵys Qazaqstan oblysynda qoǵamdyq uıymdar jetekshileri aldaǵy referendýmǵa qatysty oılaryn ortaǵa saldy, dep habarlaıdy QazAqparat tilshisi.

Óskemende referendýmdy qoldaý jónindegi óńirlik qoǵamdyq shtab músheleri qoǵamdyq uıymdar jetekshilerimen kezdesti. Olar aldaǵy referendýmǵa qatysty pikir almasyp, óz oılaryn ortaǵa saldy.

Oblystyq shtab tóraǵasy Oleg Chernyshov Qazaqstan Respýblıkasynyń Konstıtýtsııasyna engizilip jatqan negizgi ózgeristerge toqtaldy. Al ShQO prokýratýrasy ardagerler keńesiniń tóraǵasy, oblystyq qoldaý shtabynyń múshesi Ǵazız Naızabaev jańa ózgeristerde azamattar quqyqtarynyń qamtamasyz etilýine qatysty sóz qozǵady.

«Referendým – árbir azamattyń jeke pikiri eskeriletin mańyzdy saıası oqıǵa. Osy rette, Qazaqstannyń ólim jazasynan bas tartýy – úlken jetistik. Bul burynnan beri kóterilip kele jatqan usynys edi. Endi naqty sheshim qabyldanady. Sondyqtan Jańa Qazaqstannyń qalyptasýyna árbir azamat óz úlesin qosyp, 5 maýsymda durys tańdaý jasaý kerek», - dedi ol.

Jıynǵa qatysqan qoǵamdyq uıymdar jetekshileri usynylyp jatqan ózgeristerdi qoldaıtyndyqtaryn aıtyp, referendýmda daýys beretindikterin jetkizdi.

Esterińizge sala ketsek, osyǵan deıin Óskemende referendýmǵa qatysty qoǵamdyq shtab qurylǵanyn habarlaǵan edik.

Jańalyqtar

MURAǴAT