+7 (701) 759 90 19
USD 377.09 EUR 407.37
RUB 5.93 CNY 53.95
Jańalyqtar

ShQO-da qar qursaýynan 200-den astam adam qutqaryldy

2020 jylǵy 18 qańtar 14:14
Bólisińiz:
ShQO-da qar qursaýynan 200-den astam adam qutqaryldy

ÓSKEMEN. QazAqparat – Shyǵys Qazaqstan oblysynyń qar basyp qalǵan avtomobıl joldarynan 200-den astam adam men 150 kólik qaýipsiz jerge shyǵaryldy, dep habarlaıdy QazAqparat tilshisi.

ShQO Tótenshe jaǵdaılar departamenti taratqan aqparatqa sáıkes, keshe óńirde qatty boran soǵyp, oblystyń barlyq baǵyttaǵy joldary birinen keıin biri jabyldy. Jel soǵyp, qar burqyraýy saldarynan jolǵa shyǵyp úlgergen adamdardyń kólikteriniń qozǵalysy qıynǵa soqty. Sol sebepti «112» qutqarý telefonyna qar qursaýynda qalǵan adamdardyń kómek surap qońyraý soǵýy jıilip ketti.

«Qutqarýshylar, órt sóndirýshiler, jol qyzmetteri men jergilikti atqarýshy organdar 206 adamdy qutqaryp, 150 kólikti qar qursaýynan shyǵardy. Atap aıtqanda, Borodýlıha aýdanynda jolda qalǵan 32 adam evakýatsııalanyp, olardyń 16-sy Jańa Shúlbidegi ýaqytsha turaqqa ornalastyryldy, qalǵandary týystarynyń úılerine ketti. Shemonaıha aýdanynda 7 adam qutqaryldy. «Semeı-Óskemen» tas jolynda 12 kólik qar qursaýynda qalyp qoıdy. Qutqarýshylar 16 adamdy, onyń ishinde 3 balany Semeı qalasyna jetkizdi», - dep atap ótedi departamentten.

Munan bólek, Kókentaý aýylynda shopan bir otar qoıymen joǵalyp ketken. Semeı qalasynyń qutqarýshylary shynjyr tabandy kólikpen izdeý jumystaryn júrgizip, shopandy tapty.

Esterińizge sala keteıik, oblysta boran soǵatyndyǵy eskertilgen. Turǵyndarǵa asa qajet bolmasa eldi meken aýmaǵynan shyqpaýǵa keńes berildi. Qazirgi ýaqytta barlyq baǵyttaǵy respýblıkalyq jáne oblystyq mańyzy bar joldar jabyq. Joldardy qardan tazalaýǵa 260 tehnıka jumyldyrylǵan.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT