+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

ShQO-da eriktiler jyly saltanatty túrde ashyldy

2020 jylǵy 18 qańtar 01:50
Bólisińiz:
ShQO-da eriktiler jyly saltanatty túrde ashyldy

ÓSKEMEN. QazAqparat - Shyǵys Qazaqstan oblysynda saltanatty túrde Qazaqstan halqy Assambleıasy eriktiler qozǵalysy ortalyǵynyń ashylýy ótkizildi, dep habarlaıdy QazAqparat.

Uqsas jańalyqtar

Oblystyq Dostyq úıi – qoǵamdyq kelisim ortalyǵynda Eriktiler jylynyń saltanatty ashylýy ótti. Ǵımarat foıesinde óńirdiń etnomádenı birlestikteri ókilderiniń qolóner buıymdarynyń kórmesi qoıyldy.

Shyǵys Qazaqstan oblysy ákiminiń orynbasary Álisher Marhabat óziniń quttyqtaý sózinde Qazaqstan halqy Assambleıasy - Qazaqstan Respýblıkasynyń Tuńǵysh Prezıdenti Nursultan Nazarbaevtyń bastamasymen qurylǵan erekshe qoǵamdyq ınstıtýt ekendigin aıtty.

«Memleket saıasatynyń negizi - túrli ult pen ulystyń bir shańyraqtyń astynda bereke-birlikte turýy», - dedi Álisher Marhabat.


«Oblys boıynsha 12 qalalyq jáne aýdandyq dostyq úıi bar, olardyń negizinde 117 etnomádenı birlestik qurylǵan. Beıbitshilik pen kelisimdi nyǵaıtýǵa Aqsaqaldar keńesi súbeli úles qosýda. Qazynaly qarttarymyzdyń aıtqan aqyldary árdaıym tereń maǵynaly. Sondaı-aq 17 medıatsııa bólmesi jumys istep tur. «Rýhanı jańǵyrý» baǵdarlamasy aıasynda osymen ekinshi jyl qatarynan «Shyǵys Qazaqstannyń mádenı murasy» jobasy iske asýda. Sonyń aıasynda kóptegen materıaldar bir jerge toptastyrylyp, ártúrli jınaqtar men ádistemelik quraldar shyǵaryldy, shyǵarmashylyq ujymdardyń ulttyq kıimderi jańartyldy. 2020 jyly Qazaqstan halqy Assambleıasynyń 25 jyldyǵy, Abaıdyń 175 jyldyǵy jáne Eriktiler jyly bolǵandyqtan talaı ıgi sharalar uıymdastyrylady».


Shyǵys Qazaqstan oblysy QHA hatshylyǵynyń meńgerýshisi Janna Asqarovanyń aıtýynsha, volonterlyq bastamalar - ózekti taqyryp, al eriktilik damýdyń jańa satysyna kóshken.

«Qazaqstandyqtar, ásirese jastar, qoǵamnyń múddesi úshin erikti jumys bárine qajet ekenin jáne búkil eldiń tabysty ómir súrýiniń bir sharty ekenin túsindi. Bizdiń mindetimiz - adamdardy áleýmettik mańyzdy máselelerdi sheshýge tartý, áleýmettik damýdyń jańa múmkindikterin kórsetý, eriktilerge jan-jaqty qoldaý kórsetý jáne eriktiler qozǵalysynyń damýyna yqpal etý, sondaı-aq birlik pen ultaralyq kelisimdi nyǵaıtý» - dedi Janna Asqarova.

Esh aqy almaı jumys isteıtin volonterler áleýmettik mańyzy bar jobalardy júzege asyrýǵa óz úlesterin qosady. Tabystyń ornyna olar ujymda jumys isteýdi, is-sharalarǵa qatysýdy, bilimdi de bilikti adamdarmen baılanys ornatýdy úırenedi.

ShQO QHA eriktiler qozǵalysy ortalyǵy tórt baǵytta jumys isteıdi: áleýmettik, bilim berý, sporttyq jáne medıatıvtik. Eriktiler qozǵalysynyń jetekshileri jumystyń ereksheligi men keleshektegi damý joly týraly aıtyp berdi.

Atalǵan baǵyttardyń jumysyn jaqsartý maqsatynda is-sharalar strategııasy jasalmaq. Bir qyzyǵy, ár sala boıynsha bir jylǵa arnalǵan jumys jospary jasalýda. Onyń ishinde sportqa erekshe kóńil bólinýde. Bir jyl ishinde erikti-sportshylar «Aýylda jaz» baǵdarlamasy aıasynda shalǵaıdaǵy eldi mekenderge, balalar úılerine baryp ashyq jattyǵýlar, sheberlik saǵattaryn ótkizbek.

ShQO Dene shynyqtyrý jáne sport basqarmasynyń basshysy Denıs Rypakov atap ótkendeı, Shyǵys Qazaqstan oblysy Qazaqstan halqy Assambleıasymen birge shalǵaı aýyldardaǵy daryndy balalardy iriktep, oblystyń sporttyq rezervine daıyndaý baǵdarlamasy júzege asyrylady.

Sharaǵa qatysýshylar jastar men belsendi azamattardy eriktilik qyzmetke tartý ortaq mindet ekendigin biraýyzdan qoldady. Táýlik boıy eńbek etý shart emes, kez-kelgen azamat ózine yńǵaıly ýaqytta bir-eki saǵatyn basqaǵa paıdaly is isteýge arnasa, mine, sol naǵyz jetistik, ol meıli senbilikke qatysý nemese balalar úıine barý, jalǵyzbasty qarttardyń qalyn bilý bolsyn.

«Men 20 jyldan astam ýaqyt boıy oblystyq Dostyq úıiniń belsendisi boldym. Múmkindigi shekteýli jannyń arbasyn kóterýge kómektesý, demalys kezinde aınaladaǵy qoqysty tazalaý, qart kisini joldan ótkizip jiberý syndy ıgi ister árkimniń qolynan keledi. Qazaqstan halqy Assambleıasy Eriktiler jyly bastamasyn birinshi bolyp qoldady. Bir kúnde biz 600-den astam erikti jınadyq. Jer aýdarylyp kelgen talaı halyqtarǵa járdem kórsetken qazaq halqynyń dástúrleri de eriktilikpen úndes dep esepteımin. Qazaqstan Prezıdenti Qasym-Jomart Toqaevtyń aıtýynsha, «eriktilik - bul jaı ǵana-aq tegin jumys isteý emes, bul úlken jaýapkershilik» - dedi «Jańǵyrý joly» jastar qozǵalysynyń jetekshisi Ravıl ıÝnýsov.

Aıta keteıik, ShQO QHA eriktisi bolǵysy kelgenderge volonter_ank@mail.ru elektrondy mekenjaıyna ótinish jibere alady.

Talǵatjan Muhametbekuly


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT