+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

ShQO-da erekshe rejımdegi mektepten qashyp, bireýdiń kóligin aıdap ketken 2 oqýshy ustaldy

2021 jylǵy 28 shilde 15:48
Bólisińiz:
ShQO-da erekshe rejımdegi mektepten qashyp, bireýdiń kóligin aıdap ketken 2 oqýshy ustaldy

ÓSKEMEN. QazAqparat – Shyǵys Qazaqstan oblysy Kókpekti aýdanyndaǵy sottalǵan balalar oqıtyn erekshe rejımdegi mektepten 2 tárbıelenýshi qashyp ketip, qylmys jasady, dep habarlaıdy QazAqparat tilshisi.

Uqsas jańalyqtar

ShQO polıtsııa departamenti baspasóz qyzmetiniń málimetine súıensek, erekshe rejımdegi mekteptiń kezekshisi túngi tekserý kezinde Túrkistan jáne Qyzylorda oblystarynda týǵan eki jasóspirimniń joq ekenin anyqtady.

Syrtqy beınebaqylaý kamerasynyń jazbasynan olardyń qashyp bara jatqany kóringen.

«Bozbalalar kórpelerdi bir-birine baılap tereze arqyly ekinshi qabattan túsken. Sodan keıin úsh metrlik temir qorshaýǵa órmelep shyǵyp, mekeme aýmaǵynan qashyp ketti. Ekeýi negizinen urlyq, alaıaqtyq jáne bótenniń kóligin aıdap ketý baptary boıynsha sottalǵan», - delingen habarlamada.

Kámelet jasyna tolmaǵan tárbıelenýshilerdi izdeýge óńir polıtsııasynyń jeke quramy shuǵyl kiristi. Polıtsııa qyzmetkerleri ıisshil ıtterdi de qoldandy.

Sondaı-aq izdestirý sharalaryna mektep qyzmetkerleri men volonterler tartyldy.

«Qashyp ketkender eń áýeli Kókpekti aýdanynyń 54 jastaǵy turǵynyna tıesili ÝAZ markaly avtokólikti aıdap ketken. Sodan soń jaqyn mańdaǵy eldi mekenderdiń birine baryp, kólikti 70 000 teńgege satyp jiberdi. Ary qaraı taksımen Óskemen qalasyna jetkennen keıin jolda ketip bara jatqan kólikti toqtatyp, Almaty qalasyna qaraı bet alǵan», - delingen vedomstvo aqparatynda.

«Óskemen-Almaty» tasjolymen 140-150 shaqyrym júrip ótken jasóspirimderdi polıtsııa qyzmetkerleri ustady.

Qazirgi ýaqytta arnaıy mektepke QR Qylmystyq is júrgizý kodeksi 200-babyna sáıkes, qaıtarylǵan jasóspirimderge baqylaýdy kúsheıtý úshin usynym jiberildi.

Sondaı-aq atalǵan fakti boıynsha QR QK 200-baby 1-bóligimen sotqa deıingi tergeý amaldary bastaldy.

«Jasóspirimder Kókpekti aýdandyq probatsııa qyzmetinde tirkeýde tur. Olarǵa qatysty materıaldar probatsııalyq baqylaý merzimin uzartý úshin sotqa jiberiledi. Probatsııa qyzmetkerleri aldaǵy ýaqytta osyndaı qylmystarǵa jol bermes úshin jasóspirimderge túsindirý jumysyn júrgizdi», - dep habarlady oblystyq QAJD baspasóz qyzmeti.


Bizdiń kanalymyzǵa jazylyńyz:

Bólisińiz:

Avtor:

Talǵatjan Muhametbekuly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT