ShQO-da elik atqan brakoner sottaldy
2022 jylǵy 18 mamyr 08:51

ShQO-da elik atqan brakoner sottaldy

ÓSKEMEN. QazAqparat – Shyǵys Qazaqstan oblysynda elik atqan brakoner bir jarym jylǵa sottaldy, dep habarlaıdy QazAqparat tilshisi.

ShQO boıynsha QAJ departamenti baspasóz qyzmetiniń málimetine súıensek, óńir aýmaǵynda elik atqan er adamnyń sot úkimimen bir jarym jylǵa bas bostandyǵy shektelip, probatsııa esebine alyndy.

Elik atqan brakoner memleketke 2 500 000 teńgege jýyq materıaldyq zalal keltirdi. Sot barysynda ol óz kinásin tolyqtaı moıyndap, istegen isine ókinetindigin jetkizgen.

«Endi aldaǵy bir jarym jylda ol probatsııa qyzmetiniń baqylaýynda bolady. Probatsııa qyzmetkerleri jazasyn óteýshimen turaqty túrde profılaktıkalyq jumys júrgizedi. Eger ol zań talaptaryna baǵynbaı, baqylaýdan jasyrynatyn bolsa jazasy qatańdatylyp, túrmege qamalýy ábden múmkin», - dep habarlady vedomstvo ókilderi.

Esterińizge sala ketsek, osyǵan deıin Shyǵys Qazaqstanda memleketaralyq izdeýde júrgen eki qylmysker ustalǵanyn habarlaǵan edik.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT