ShQO-da «Dármek» sharasy barysynda 15 zańbuzýshylyq anyqtaldy

ÓSKEMEN. QazAqparat - Shyǵys Qazaqstan oblysynda 16-20 qarasha aralyǵynda «Dármek» jedel aldyn alý sharasy ótkizildi, dep habarlaıdy QazAqparat tilshisi.

Uqsas jańalyqtar

Petropavl: Jańa qurylǵan «Jas órken» yqshamaýdanynda 250 oryndyq emhana salynady

Túrkistan oblysynda jasandy tynys alý apparattarynyń sany 50% ósti Batys Qazaqstanda juqpaly aýrýlar statsıonarynda 260 adam emdelýde Qaraǵandy oblysy Aqtaý kentiniń aýrýhanasynda tsıfrlyq rentgen apparaty paıda boldy

ShQO Polıtsııa departamenti baspasóz qyzmetiniń málimetine súıensek, shara barysynda tártip saqshylary esirtki jáne psıhotroptyq zattardyń zańsyz aınalymyn anyqtaýǵa kúsh saldy.

Óskemen, Semeı, Rıdder qalalarynda jáne Kókpekti aýdanynda prekýrsor qoldanatyn kásiporyndardy tekserý barysynda tehnıkalyq nyǵaıtylý talaptarynyń buzylǵany tirkeldi. Osylaısha, mekeme basshylary QR ÁQBtK-niń 427-baby boıynsha ákimshilik jaýapqa tartyldy.

«Semeı qalasyndaǵy dárihanalardyń birindegi farmatsevt quramynda kodeıni bar dári-dármekterdi retseptsiz satqan. Bul QR ÁQBtK-niń 426-babyna qaıshy. Sondaı-aq Semeıdegi mekeme basshylarynyń biri qyzmetkerlerine lıtsenzııasynyń merzimi ótken prekýrsorlardy satqyzǵan. Oǵan 400 myń teńge mólsherinde aıyppul salynýy múmkin», - dedi ShQO PD bastyǵy Saǵat Mádıev.

Aıta keteıik, 5 kún ishinde oblys boıynsha esirtkige qatysty 15 qylmystyq quqyqbuzýshylyq anyqtaldy.