ShQO-da bıyl joldy buzǵan aýyr júk kólik ıelerine 17 mln teńgeden astam aıyppul salyndy

2022 jylǵy 3 jeltoqsan, 17:43
ShQO-da bıyl joldy buzǵan aýyr júk kólik ıelerine 17 mln teńgeden astam aıyppul salyndy

ÓSKEMEN. QazAqparat – Shyǵys Qazaqstan oblysynda jyl basynan beri joldy buzǵan aýyr júk kólik ıelerine 17 mln teńgeden astam aıyppul salyndy, dep habarlaıdy QazAqparat tilshisi.

«Jol aktıvteriniń ulttyq sapa ortalyǵy» RMK ShQO fılıaly baspasóz qyzmetiniń málimetinshe, óńir boıynsha jyl basynan beri aýyr júk kólikteriniń ıelerine qatysty 390 ákimshilik is qozǵalǵan. Aıyppuldyń jalpy somasy 17 200 000 teńgeden asyp otyr.

«Quqyq buzýshylyqtardyń basym bóligi shamadan tys júk tıeýmen baılanysty. Máselen, úsh osti samosvaldyń júkpen birge salmaǵy 25 tonnadan aspaýy tıis. Biraq, kóbi 30 tonnaǵa deıin tıep alady. Osynyń saldarynan joldar buzylady», - delingen aqparatta.

Júk kólikteri, ásirese áli salynyp bitpegen «Almaty-Óskemen» tasjolymen júredi. Asfalttyń sońǵy qabaty jabylmaǵanyna qaramastan, júk kólikteri sonyń boıymen qatynap jatyr.

«Jolda normadan artyq júk tıegen kólikterdiń júrýi sol joldardyń paıdalaný merzimin qysqartady. Naqty aıtqanda, jol 10-15 jyl emes, 3-5 jyldan keıin nashar kúıge túsýi múmkin. Sondyqtan, júk kólikterin tekserýdi kúsheıtý qajet», - delingen habarlamada.


Uqsas jańalyqtar
Tegı:
Seriktester jańalyqtary

Jańalyqtar