ShQO-da bıyl balalarǵa zorlyq-zombylyq jasaýdyń 21 faktisi tirkeldi
2022 jylǵy 1 shilde 00:57

ShQO-da bıyl balalarǵa zorlyq-zombylyq jasaýdyń 21 faktisi tirkeldi

ÓSKEMEN. QazAqparat – Shyǵys Qazaqstan oblysynda jyl basynan beri balalarǵa zorlyq-zombylyq jasaýdyń 21 faktisi tirkeldi, dep habarlaıdy QazAqparat tilshisi.

Oblys prokýratýrasynyń keńeıtilgen alqa otyrysynda kámelettik jasqa tolmaǵandarǵa jynystyq zorlyq-zombylyq jasaýdyń aldyn alý máseleleri qaraldy. Atalǵan qylmys úshin jaza qatańdatylǵanyna qaramastan, áli de balalarǵa zorlyq-zombylyq jasaıtyndar azaımaı tur.

Ótken jyldyń qorytyndysy boıynsha óńirde balalarǵa qatysty 71 qylmys tirkelse, onyń ishinde 38-i – zorlyq-zombylyq jasaý. Bıyl mundaı qylmysqa barǵandar sany 21-di quraıdy.

«Kámelettik jasqa tolmaǵandarǵa qatysty jynystyq qylmystar qoǵamnyń eń mańyzdy problemalarynyń biri. Quzyrly memlekettik organdar osynyń aldyn alý boıynsha ýaqtyly sharalar qabyldaýy qajet. Óıtkeni bul balalardyń dene jáne psıhologııalyq densaýlyǵyna orny tolmas zııan keltiredi», - dedi ShQO prokýrory Almat Baısholaqov.

Onyń aıtýynsha, 2021 jyly osyndaı qylmys jasaǵan 23 adam, osy jyly 13 adam túrli merzimge bas bostandyǵynan aıyryldy.

«Bul qylmystardy ashýdyń belgili bir ereksheligin atap ótken jón. Kóp jaǵdaıda qylmystyń kýágerleriniń bolmaýyna baılanysty jábirlenýshiler ol týraly uzaq ýaqyt ótkennen keıin habarlaıdy. Al bul dálel jınaýdy qıyndatady. Osy rette, qylmystyq qýdalaý organdary tergeýdiń obektıvtiligin qamtamasyz etý úshin barlyq qajetti sharalardy qabyldaýda», - dedi Almat Baısholaqov.


Foto: quepasamedia.com

Uqsas jańalyqtar

Jańalyqtar

Úrdis

MURAǴAT