ShQO-da bıyl 36 medıtsınalyq mekemeniń qurylysy bastalady
ÓSKEMEN. QazAqparat – Shyǵys Qazaqstan oblysynda bıyl 36 medıtsınalyq mekemeniń qurylysy bastalady, dep habarlaıdy QazAqparat tilshisi.
ShQO ákimdiginde áleýmettik nysandar qurylysy boıynsha jınalys ótti. Bıyl oblys aýyldarynda 36 medıtsınalyq mekemeniń, naqty aıtqanda otbasylyq-dárigerlik ambýlatorııalar, feldsherlik-akýsherlik jáne medıtsınalyq pýnktterdiń qurylysy bastalady.
«Barlyq jobalyq-smetalyq qujattamalar daıyn, saraptamadan ótti. 14 nysanǵa tender jarııalandy. Oblystyq hırýrgııa jáne onkologııa ortalyǵynyń qosymsha ǵımaratyn salý máselesi meniń baqylaýymda. Bul jerde qaterli isik pen basqa da aýrýlardy erte kezeńde dıagnostıkalaýǵa múmkindik beretin PET-KT ornalasady. Negizgi shart - naýqastarǵa qolaıly jaǵdaı jasaý», - deıdi aımaq basshysy Danıal Ahmetov.
Bilim berý salasynda «Jaıly mektep» jobasy aıasynda 10 mektep salynbaq. Onyń beseýi Óskemende, al Shemonaıha, Rıdder qalalary men Beloýsovka, Opytnoe pole jáne Praporıkovo kentterinde bir mektepten salynady.
Budan bólek, oblystyq bıýdjet esebinen taǵy 7 bilim berý nysany boı kótermek.
