Valıýta baǵamdary:
    usd/kzt 476.18 eur/kzt 485.56

    rub/kzt 7.76 cny/kzt 70.34
Aýa raıy:
Nur-Sultan: 1 °S
Almaty: 15 °S

ShQO-da bıyl 11 adam sýǵa batyp ketti

2022 jylǵy 22 maýsym 20:57

ÓSKEMEN. QazAqparat – Shyǵys Qazaqstan oblysynda jyl basynan beri 11 adam sýǵa batyp ketti, dep habarlaıdy QazAqparat tilshisi.

Oblys ákiminiń orynbasary Nurjan Jumadilovtyń tóraǵalyǵymen tótenshe jaǵdaılardyń aldyn alý jáne joıý jónindegi óńirlik komıssııanyń kezekten tys otyrysy ótti. Jıyn barysynda sý aıdyndarynda balalardyń qaýipsiz demalysyn uıymdastyrý máselesi talqyǵa salyndy.

ShQO Bilim basqarmasy basshysynyń orynbasary Alıma Aqylbektiń aıtýynsha, jaz bastalar aldynda ózen-kól jaǵalaýynda ornalasqan balalardy saýyqtyrý lagerleri tekserilip, súńgýirler sýdyń túbin tazalady. Oblys aýmaǵynda barlyǵy 35 qala syrtyndaǵy lager ornalasqan. Onyń ishinde jaǵajaı qasyndaǵy 13 lager bar.

2022 jyly Shyǵys Qazaqstanda 185 374 oqýshyny jazǵy demalyspen jáne saýyqtyrýmen qamtý josparlanýda. Jumysqa 855 tárbıeshi, 881 tálimger, 1250 qosymsha bilim berý pedagogy, 546 medıtsına qyzmetkeri jáne kolledj bilim alýshylary men oblystyń JOO stýdentteri qatarynan pedagogıkalyq jasaqtar tartyldy. Jaz maýsymynda balalardyń qaýipsizdigi qatań baqylaýda.

ShQO TJD bastyǵynyń orynbasary Arman Toqanov óz baıandamasynda óńirde qutqarýshylar sý aıdyndaryndaǵy qaýipsizdik boıynsha keń aýqymdy jumys júrgizip jatqanyn atap ótti.

«Jaǵajaılardy patrýldeý úshin TJ qyzmetiniń jeke quramynan 5600-den astam adam jáne 696 polıtsııa qyzmetkeri jumyldyryldy. Ókinishke qaraı, búgingi kúni sý aıdyndarynda birneshe adam ólimi tirkeldi. 2022 jyldyń basynan beri 11 azamat, onyń ishinde 2 bala sýǵa batqan. Sýdaǵy adam óliminiń negizgi sebebi – mas kúıde shomylý, ruqsat etilmegen jerlerge barý, óz kúshin durys baǵalamaý», - dedi ol.

Aıta keteıik, oblystyq máslıhattyń sheshimimen Shyǵys Qazaqstanda 116 jaǵalaýda shomylýǵa tyıym salynǵan.


Avtor:

Talǵatjan Muhametbekuly

Novostı po teme
Uqsas jańalyqtar
Seriktester jańalyqtary