ShQO-da bir aıdan beri polıgondaǵy qoqys órtenip jatyr
2022 jylǵy 17 mamyr 14:50

ShQO-da bir aıdan beri polıgondaǵy qoqys órtenip jatyr

ÓSKEMEN. QazAqparat – Shyǵys Qazaqstan oblysy Altaı aýdanynda bir aıdan beri polıgondaǵy qoqys órtenip jatyr, dep habarlaıdy QazAqparat tilshisi.

17 sáýirden beri Altaı aýdanyndaǵy polıgonda qoqys janyp jatyr. Aınalany basqan kók tútin jelmen aýdan ortalyǵyna deıin jetýde.

Oqıǵa ornynda órt sóndirýshiler jumys isteýde. Sondaı-aq tilsiz jaýdy aýyzdyqtaý úshin jergilikti ákimdik sý tasyǵysh tehnıkalary bar merdigerlerdi tartty.

«Búgingi tańda órttiń beti qaıtpaı jatyr. Sebebi órt oshaǵy tereńde. Jalynnyń shyqqanyna 1 aı boldy», - deıdi aýdandyq TJB bastyǵynyń orynbasary Azamat Ábdirahmanov.

Belgili bolǵandaı, qazirgi ýaqytta tútindegen polıgon aýmaǵy 2 gektarǵa jetken.

Esterińizge sala ketsek, osyǵan deıin ShQO-da áleýmettik nysandar 1 tamyzǵa deıin kómirmen tolyq qamtylatyndyǵyn habarlaǵan edik .


Uqsas jańalyqtar
Seriktester jańalyqtary

Jańalyqtar

Úrdis

MURAǴAT