ShQO-da bala tasymaldaý erejesin buzǵan 717 júrgizýshi jaýapqa tartyldy
2022 jylǵy 17 mamyr 01:31

ShQO-da bala tasymaldaý erejesin buzǵan 717 júrgizýshi jaýapqa tartyldy

ÓSKEMEN. QazAqparat – Shyǵys Qazaqstan oblysynda bala tasymaldaý erejesin buzǵan 700-den astam júrgizýshi jaýapqa tartyldy, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, tártip saqshylary óńir aýmaǵynda 25 sáýirden bastap «Nazar aýdaryńyz, balalar!» jedel aldyn alý sharasyn ótkizýde. Mundaǵy maqsat – balalarmen bolatyn jol-kólik oqıǵalarynyń aldyn alý, oqýshylardyń kósheler men joldarda qaýipsiz júris-turysynyń daǵdylaryn bekitý.

«Shara bastalǵaly beri bala tasymaldaý erejelerin buzǵany úshin 717 júrgizýshi ákimshilik jaýapkershilikke tartyldy. Polıtseıler mektep oqýshylary arasynda «Joldar men kóshelerdegi tártip – qaýipsizdik kepili!» taqyrybynda trenıngter ótkizdi. Balalarǵa arnaıy jadynamalar men nusqaýlyqtar taratyldy. Oqýshylardy joldaǵy qaýipsizdik erejelerine teorııalyq jáne praktıkalyq turǵydan úıretý úshin oblystaǵy ár mektepte qozǵalys qaýipsizdigi buryshtary qoıylǵan», - delingen aqparatta.

Osy kúnderi jol polıtsııasy bólimsheleriniń posttary men patrýldik marshrýttary oqý oryndaryna barynsha jaqyn ornalastyryldy. Bul rette balalardyń jol apatynan jaraqattanýyn boldyrmaý úshin jol erejelerin buzylýynyń jolyn kesýge basa nazar aýdarylýda.

Departament qyzmetkerleri óńir turǵyndaryn jol qozǵalysy erejelerin saqtaýǵa jáne jolda abaı bolýǵa shaqyrady.


Jańalyqtar

MURAǴAT