ShQO-da azyq-túlikke tapsyrys qabyldaıtyn sall-ortalyqtardyń jumysy qaıta jandandy

ÓSKEMEN. QazAqparat – Shyǵys Qazaqstan oblysynda azyq-túlikke tapsyrys qabyldaıtyn sall-ortalyqtardyń jumysy qaıta jandandy, dep habarlaıdy QazAqparat tilshisi.

Uqsas jańalyqtar

Shyǵys Qazaqstanda shekteý sharalary qańtardyń aıaǵyna deıin uzartyldy

ShQO-nyń Abaı aýdanynda 32 páter kópbalaly jáne turmysy tómen otbasylarǵa berildi Óskemende eki avtomatty stantsııada ozon quramy ólshenedi ​Óskemende densaýlyq saqtaý mekemeleriniń biri órtendi

Bul týraly aımaq basshysy Danıal Ahmetov óziniń Instagram jelisindegi paraqshasynda jazdy.

«Semeıdegi jedel medıtsınalyq járdem aýrýhanasynyń, Óskemendegi oblystyq jáne №4 qalalyq aýrýhanalarynyń joǵary sanatty dárigerlerin, atap aıtqanda, pýlmonologtardy, ınfektsıonıster, reanımatologtardy Zaısan, Altaı aýdandary men Rıdder qalasyna praktıkalyq jáne konsýltatıvti kómek kórsetý úshin jiberý týraly tapsyrma berdim. Sebebi atalǵan aýdandarda COVID-19 vırýsy men pnevmonııanyń keń taralýda. Arnaıy top ortalyq aýrýhanalardaǵy statsıonarlardyń, onyń ishinde ınfektsııalyq jáne provızorlyq tósek oryndardyń, sonymen qatar emhanalarynyń jumysyn tolyq zerdeleýde», - dedi ol.

Oblys ákiminiń aıtýynsha, júrgizilgen tekserý nátıjesinde aýmaqqa bólý talaptary men emdeý hattamasyn saqtaý boıynsha birqatar zańbuzýshylyqtar anyqtaldy. Aldaǵy ýaqytta bul aýrýhanalar osy aýdandarǵa jetekshilik etpek.

«Sondaı-aq 6 qarashadan bastap azyq-túlikke tapsyrys qabyldaıtyn call-ortalyqtardyń jumysy qaıta jandandy. Bul jumysqa qoldaý kórsetip, tegin jetkizý qyzmetin usynǵan eriktilerge alǵysymdy bildiremin. Qazirgi ýaqytta oblys aýmaǵynda COVID-19 ınfektsııasyn juqtyrǵan naýqaspen baılanysta bolǵan adamdar tarapynan karantın talaptarynyń saqtalýyna belsendi tekserý júrgizilýde. Bul jumysqa ýchaskelik polıtseıler jumyldyryldy. Osy rette, óńir turǵyndarynan jaýapkershilik tanytyp, sanıtarlyq-epıdemıologııalyq talaptardy saqtaýdy suraımyn», - dedi Danıal Ahmetov.