Jańalyqtar  >
ShQO-da azyq-túlik baǵasynyń ósýine jol bermeý úshin bıyl 8 myńnan astam reıd júrgizildi
2022 jylǵy 17 tamyz 05:10

ShQO-da azyq-túlik baǵasynyń ósýine jol bermeý úshin bıyl 8 myńnan astam reıd júrgizildi

ÓSKEMEN. QazAqparat – Shyǵys Qazaqstan oblysynda azyq-túlik baǵasynyń ósýine jol bermeý úshin jyl basynan beri 8 myńnan astam reıd júrgizildi, dep habarlaıdy QazAqparat tilshisi.

ShQO Kásipkerlik jáne ındýstrııalyq-ınnovatsııalyq damý basqarmasynyń málimetinshe, óńir boıynsha azyq-túlik baǵasynyń ósýine jol bermeý maqsatynda arnaıy jumys toptary qurylǵan. Osy jyldyń aqpan aıynan bastap 8,3 myń reıd júrgizildi.

Sońǵy bir apta ishinde 55 buzýshylyq anyqtalyp, birden túzetildi. Qalalar men aýdandar ákimdikteriniń derekteri boıynsha jalpy Shyǵys Qazaqstanda áleýmettik mańyzy bar taýarlarǵa belgilengen saýda ústemesiniń ruqsat etilgen shekten asyrylýy boıynsha 113 aryz kelip túsken.

«QR Prezıdentiniń tapsyrmasyna sáıkes 2021 jylǵy 10 shildede baǵa belgileýdiń barlyq tizbegi boıynsha deldaldyq shemalardy tekserý jónindegi óńirlik komıssııa qurylǵan bolatyn. 1062 kóterme satýshymen, aýyl sharýashylyǵy taýaryn óndirýshilermen jáne saýda obektileriniń ıelerimen eń tómengi 7% saýda ústemesin qoldaný týraly memorandým jasaldy. Búginde oblys boıynsha 27 áleýmettik dúken jáne 230 áleýmettik burysh jumys isteıdi. Onda negizgi taýarlar eń tómengi saýda ústemesimen satylady», - deıdi basqarmanyń memlekettik saýda saıasatyn iske asyrý bóliminiń basshysy Anna Janaıdarova.

Ónimderdi saýda ústemesinsiz satý úshin oblysta turaqty túrde aýyl sharýashylyǵy jármeńkeleri ótkizilýde. Sondaı-aq qalalar men aýdandardyń ákimdikteri saýda ortalyqtary men dúkenderde áleýmettik mańyzy bar taýarlardyń qoryna monıtorıng júrgizýde.

Uqsas jańalyqtar
Seriktester jańalyqtary

Jańalyqtar

Úrdis

MURAǴAT