+7 (701) 759 90 19
USD 427.93 EUR 506.71
RUB 5.55 CNY 64.29
Jańalyqtar

ShQO-da azamattardy emhanaǵa tirkeý naýqany júrip jatyr

2020 jylǵy 18 qyrkúıek 17:33
Bólisińiz:
ShQO-da azamattardy emhanaǵa tirkeý naýqany júrip jatyr

ÓSKEMEN. QazAqparat – Shyǵys Qazaqstan oblysynda 15 qyrkúıekten bastap 15 qarashaǵa deıin medıtsınalyq-sanıtarlyq alǵashqy kómek uıymyn erkin tańdaý boıynsha jyl saıynǵy naýqan jalǵasady, dep habarlaıdy QazAqparat tilshisi.

Bul týraly ShQO aqparat ortalyǵynda ótken tikeleı efır barysynda Áleýmettik medıtsınalyq saqtandyrý qory KEAQ Shyǵys Qazaqstan oblysy boıynsha fılıal dırektory Ǵalymjan Ábilov málimdedi.

«Naýqan kezinde medıtsınalyq-sanıtarlyq alǵashqy kómek uıymyna tirkelgen azamattar medıtsınalyq kómekti 2021 jyldyń 1 qańtarynan bastap ala alady. Bul rette medıtsınalyq uıym qormen aldaǵy jylǵa arnalǵan tegin medıtsınalyq kómektiń kepildik berilgen kólemi sheńberinde jáne mindetti ádeýmettik medıtsınalyq saqtandyrý júıesinde alǵashqy medıtsınalyq-áleýmettik kómek qyzmetterin kórsetýge shart jasasýy tıis. Tirkelý naýqanynyń qorytyndysy boıynsha medıtsınalyq uıymdarǵa turǵyndardyń bólinýin eskere otyryp, 2021 jylǵa arnalǵan qarjylandyrý josparlanady. Osylaısha, árbir tirkelgen turǵyn úshin medıtsınalyq uıymdarǵa aı saıyn jan basyna shaqqandaǵy qarjylandyrý tólenedi», – dedi ol.

Tikeleı efır barysynda Respýblıkalyq elektrondyq densaýlyq saqtaý ortalyǵynyń ShQOF dırektory Shynar Áshirbaeva emhanaǵa tirkelýdiń birneshe jolyn atap ótti.

«Elektrondyq úkimettiń www.e.gov.kz veb-portaly arqyly tirkeý elektrondy tsıfrlyq qoltańba arqyly júzege asyrylady. Densaýlyq saqtaý bóliminde «Medıtsınalyq-sanıtarlyq alǵashqy kómek kórsetetin medıtsınalyq uıymǵa tirkelý» qyzmetin tańdaý qajet. Emhana patsıent týraly aqparatty memlekettik aqparattyq júıelerden avtomatty túrde alady. Operatsııa sátti bolǵan jaǵdaıda azamatqa medıtsınalyq uıymnyń elektrondy tsıfrlyq qol qoıylǵan elektrondy qujat túrinde tirkeý týraly habarlama beriledi», - dedi Shynar Áshirbaeva.

Ǵalymjan Ábilovtiń aıtýynsha, halyqtyń jekelegen sanattary emhanaǵa tikeleı tirkele alady. Ol úshin ótinish jazyp, jeke basyn kýálandyratyn qujatty berý qajet.

Bul sanattarǵa zeınetkerler, múgedekter, zań boıynsha múgedekke bala kezinen taǵaıyndalǵan qamqorshylar, patronat tárbıeshiler, kolonııalarda jazasyn ótep jatqandar, stýdentter, merzimdi qyzmettegi áskerı qyzmetshiler, shet memleketterde týǵan balalar, senimhat boıynsha tirkeýdi resimdeıtin adamdar jatady.

Osy jyldyń 31 jeltoqsanyna deıin azamattar buryn bekitilgen emhanada medıtsınalyq kómek alýdy jalǵastyrady.

Esterińizge sala keteıik, saqtandyrý mártebesine qaramastan, barlyq azamattar tegin medıtsınalyq kómektiń kepildik berilgen kólemine quqyly. Josparly emdeýge jatqyzý, beıindi mamandardyń qabyldaýy, qymbat turatyn tekserýlerden ótý jáne joǵary tehnologııalyq em alý úshin MÁMS júıesinde saqtandyrylǵan bolýy qajet.

Saqtandyrý mártebesin Elektrondy úkimet portalynda, qor saıtynda jáne Telegram-daǵy SaqtandyryBot arqyly bilýge bolady.


Bizdiń kanalymyzǵa jazylyńyz:

Bólisińiz:

Avtor:

Talǵatjan Muhametbekuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT