ShQO-da aýyl sharýashylyǵy daqyldary 600 myń gektar jerge egilgen
2022 jylǵy 14 tamyz 19:22

ShQO-da aýyl sharýashylyǵy daqyldary 600 myń gektar jerge egilgen

ÓSKEMEN. QazAqparat – Shyǵys Qazaqstan oblysynda bıyl aýyl sharýashylyǵy daqyldary 600 myń gektar jerge egilgen, dep habarlaıdy QazAqparat tilshisi.

ShQO Aýyl sharýashylyǵy basqarmasynyń málimetine súıensek, bıyl óńirde aýyl sharýashylyǵy daqyldary 600 myń gektar jerge egilgen.

«Onyń ishinde dándi jáne burshaq daqyldary – 284,7 myń, maıly daqyldar – 209,4 myń, mal azyǵy – 128,3 myń, kókónis jáne baqsha daqyldary 14 myń. Dándi daqyldardyń 45,5 paıyzynyń jaı-kúıi jaqsy, 53,4 paıyzy qanaǵattanarlyq, 1,1 paıyzy nashar kúıde», - delingen aqparatta.

Maıly daqyldar boıynsha 38,9 paıyzy jaqsy, 59,3 paıyzy qanaǵattanarlyq, 1,8 paıyzy nashar kúıde bolyp otyr. Bıyl astyq ótken jylǵy deńgeıde bolady dep kútilýde.

«2022 jyly 570 myń tonnaǵa jýyq astyq jáne 350 myń tonnaǵa jýyq maıly daqyldardy jınaý josparlanýda. Shyǵys Qazaqstan óz halqynyń dándi jáne maıly daqyldar, qaraqumyq, kartop jáne kókóniske degen qajettiligin tolyǵymen qamtamasyz etedi», - delingen habarlamada.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT