ShQO-da atom elektr stantsııalaryna otyn shyǵaratyn óndiris orny ashyldy
2021 jylǵy 11 qarasha 00:30

ShQO-da atom elektr stantsııalaryna otyn shyǵaratyn óndiris orny ashyldy

ÓSKEMEN. QazAqparat – Shyǵys Qazaqstan oblysynda jylyna 200 tonna ýrandy qaıta óńdeıtin óndiris orny ashyldy, dep habarlaıdy QazAqparat tilshisi.

ShQO ákimdiginiń málimetine súıensek, Úlbi metallýrgııa zaýytynda «Úlbi-TVS» otyn quramalarynyń óndirisi ashyldy. Atalmysh joba 2016 jyly Elbasy Nursultan Nazarbaevtyń bastamasymen iske qosylǵan.

Sharaǵa « Samuryq-Qazyna» AQ , «Qazatomónerkásip» UAK, «ÚMZ» AQ, Qytaıdyń Atom energııasy jónindegi «China General Nuclear» agenttiginiń basshylyǵy qatysty. Kásiporyn qytaı jáne frantsýz seriktesteriniń qatysýymen qurylyp, Qazaqstandaǵy mańyzdy jáne iri ınvestıtsııalyq jobalardyń birine aınalyp otyr.


«Qytaıdyń atom elektr stantsııalaryna otyn tabletkalarynyń birinshi partııasy kelesi jazda jetkiziledi. Bul bizdiń QHR-men dostyq jáne ekonomıkalyq qarym-qatynastarymyzdy odan ári damytýda mańyzdy qadam. Shyǵys Qazaqstan ýran óndirý boıynsha elimizde birinshi orynda tur. Al ony qaıta óńdeý - bul ónimge qosylǵan qosymsha qun ǵana emes, sonymen qatar áleýmettik áseri joǵary bastama. Jańa kásiporynda 140 jańa jumys orny ashylatyn bolady», - dedi oblys ákimi Danıal Ahmetov.

Onyń aıtýynsha, otyn quramalaryn óndirý – bul eldiń ıadrolyq ındýstrııanyń jańa baǵyty. Eki jyldan keıin óndiristiń tolyq qýatyna shyǵý josparlanýda.

«Óndiris kólemi jylyna 200 tonna ýrandy quraıdy jáne osyndaı bir otyn tabletkasy 500 keli kómirdi almastyrady. Osy óndiristiń arqasynda Qazaqstan ıntegratsııalanǵan qyzmet paketin usynýshy memleket retinde de tanylady», - dedi aımaq basshysy.


Jańalyqtar

MURAǴAT