+7 (701) 759 90 19 Lenta
USD 389.52 EUR 429.21
RUB 6.07 CNY 54.94
Jańalyqtar

ShQO-da astyq jınaý naýqany qyzý júrip jatyr

2019 jylǵy 19 qyrkúıek 21:14
Bólisińiz:
ShQO-da astyq jınaý naýqany qyzý júrip jatyr

NUR-SULTAN. QazAqparat – Bıyl aımaqtaǵy egistik jerdiń aýmaǵy 1356,2 myń gektardy quraǵan, dep habarlaıdy QazAqparat tilshisi ShQO óńirlik kommýnıkatsııalar qyzmetine silteme jasap.

Uqsas jańalyqtar
Toqaev: Bıdaıdy der kezinde jınap, ónimniń durys saqtalýyn qamtamasyz etý qajet Aqtóbe oblysy Úkimetten qosymsha bıdaı men mal azyǵyn surap otyr Qostanaıda 1 mln gektardan astam alqaptan astyq jınaldy

Atalǵan aýmaqtyń 40,6 paıyzyna bıdaı jáne burshaq dándiler, 35,5 paıyzyna maı daqyldary, 21,5 paıyzyna jemshóp, 1,3 paıyzyna kartop egilgen.

Oblystyq aýyl sharýashylyǵy basqarmasy basshysynyń orynbasary Vladımır Gaılamazıannyń aıtýynsha, egin jınaý jumystaryn júrgizýge oblystyq bıýdjetten 3,5 mlrd teńgeden astam qarajat bólingen. Onyń ishinde qarajattyń bir bóligi tuqym sharýashylyǵyn qoldaýǵa, mıneraldyq tyńaıtqyshtar men gerbıtsıdterdiń qunyn arzandatýǵa baǵyttalǵan. Kóktemgi egis jumystaryna 54 taýar óndirýshi «Agrarlyq nesıe korporatsııasy» AQ arqyly 2 mlrd 127,3 mln teńge nesıe alǵan.

«Qazirgi ýaqytta dándi daqyldardy jınaý jumystary tolyǵymen aıaqtaldy. Jalpy 549,9 myń gektar aýmaqtyń 488,6 myń gektary nemese 90 paıyzy jınaldy. Jalpy astyq jınaý boljamynda aıtarlyqtaı oń nátıje baıqalady. Osy maýsymda «Azyq-túlik kelisim-shart korporatsııasy» AQ jemdik jáne azyq-túlik bıdaıyn shekteýsiz satyp alýdy bastady. Satyp alý baǵasy astyq sapasyna baılanysty. 3-4 sanatty bıdaıdyń tonnasy 57-ten 70 myń teńgege deıin bolady», - delingen habarlamada.

Oblys aýdandarynda maıly daqyldy jınaý jumystary da bastalyp ketken. Kartop, kókónis jáne baqsha daqyldaryn jınaǵan sharýalardyń jumysy qyzý.

«Jalpy, qajetti materıaldyq-tehnıkalyq quraldar men basqa da materıaldyq resýrstardyń tolyqtyǵy oblys agrarlaryna ońtaıly merzimde egin jınaý jumystaryn júrgizýge múmkindik beredi. Bıyl aýyl sharýashylyǵy taýarlaryn óndirýshiler jalpy somasy 10,7 mlrd teńgege 554 tehnıka satyp aldy. Oblystyń sharýashylyqtary men elevatorlarynda qýattylyǵy ártúrli 90 keptirgish, 3 248 astyq jınaý kombaıny bar. Sharýashylyqtarǵa 30 myń tonna dızel otyny qajet. Onyń 25 myń tonnasyn QR Energetıka mınıstrligi memlekettik baǵdarlama boıynsha bólgen. Aýa raıynyń qolaısyzdyǵyna baılanysty aýyl sharýashylyǵy basqarmasy mınıstrlikke qosymsha 5 myń tonna dızel otynyn bólý jóninde suranys jiberdi», – dep atap ótti Vladımır Gaılamazıan.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT