Valıýta baǵamdary:
    usd/kzt 422.01 eur/kzt 452.06

    rub/kzt 6.75 cny/kzt 62.72
Aýa raıy:
Nur-Sultan: 1 °S
Almaty: 15 °S

ShQO-da ákimderge jemqorlyqpen kúrestiń jańa tujyrymdamasy tanystyryldy

2022 jylǵy 26 qańtar 12:57

ÓSKEMEN. QazAqparat – Shyǵys Qazaqstan oblysynda ákimderge, quqyq qorǵaý organdarynyń basshylary men kásipkerlerge sybaılas jemqorlyqqa qarsy saıasattyń jańa tujyrymdamasy tanystyryldy, dep habarlaıdy QazAqparat tilshisi.

Sybaılas jemqorlyqqa qarsy is-qımyl agenttigi ShQO boıynsha departamentiniń málimetine súıensek, oblystyń qalalary men aýdandary ákimderi, memlekettik jáne quqyq qorǵaý organdary basshylary, depýtattar, bıznes ókilderi, kvazımemlekettik sektor basshylary, saıası partııalar, etnomádenı birlestikter men qoǵam ókilderiniń qatysýymen jıyn ótti. Onda 2022-2026 jyldarǵa arnalǵan sybaılas jemqorlyqqa qarsy saıasat tujyrymdamasynyń jobasy jan-jaqty talqylandy.

Kezdesý barysynda qatysýshylar naqty reformalar men jobalardy qamtıtyn tujyrymdama mindetteriniń 6 blogyn talqyǵa saldy. Olardyń ishinde sybaılas jemqorlyqqa tózbeýshilikti qalyptastyrý, bızneske korporatıvtik ádep arqyly sybaılas jemqorlyqqa qarsy áreket etý, jaýapkershilikten bultartpaýdy qamtamasyz etý boıynsha sharalardy jetildirý, sybaılas jemqorlyqqa qarsy azamattyq qoǵamnyń rólin kúsheıtý, sybaılas jemqorlyqqa qarsy saıasat monıtorıngi jáne ýákiletti organnyń qyzmetin jetildirý sııaqty mindetti sheshimder bar.

«Tujyrymdamaǵa azamattyq qoǵam, sonyń ishinde kásipkerlerdiń usynystary engizilgen. Atap aıtqanda, memlekettik satyp alýdaǵy memlekettik kompanııalardyń úlesteriniń qysqarýy, bir kózden satyp alý úshin negizderdi qysqartý. Jańa strategııalyq qujat sybaılas jemqorlyqtyń alǵysharttaryn túbegeıli jáne keshendi joıýǵa baǵyttalǵan. Sana men moraldyq qaǵıdalardy ózgertýge mańyzdy ról berildi. Bizdiń maqsatymyz - qoǵamda sybaılas jemqorlyqqa qarsy myqty ımmýnıtet qalyptastyrý», - dedi departament basshysy E.Jalmaǵambet.

Sondaı-aq jıynǵa qatysýshylar bank, memlekettik satyp alý jáne basqa da salalardaǵy sybaılas jemqorlyq táýekelderin joıý boıynsha birqatar usynystar aıtty.


Avtor:

Talǵatjan Muhametbekuly

Novostı po teme
Uqsas jańalyqtar