+7 (701) 759 90 19
USD 430.51 EUR 505.72
RUB 5.51 CNY 64.14
Jańalyqtar

ShQO-da 3 maýsymnan bastap karantın jeńildeıdi: Kınoteatrlar jumysyn bastaıdy

2020 jylǵy 2 maýsym 00:02
Bólisińiz:
ShQO-da 3 maýsymnan bastap karantın jeńildeıdi: Kınoteatrlar jumysyn bastaıdy

ÓSKEMEN. QazAqparat – Shyǵys Qazaqstan oblysynda 3 maýsymnan bastap birqatar karantın shekteýleri jeńildetilmek, dep habarlaıdy QazAqparat tilshisi.

Uqsas jańalyqtar
Oral qalasynda qosymsha shekteý sharalary engizildi Mańǵystaýda 12 adam úı karantıninde otyr

Bul jaıly aımaq basshysy Danıal Ahmetov Facebok-tegi paraqshasynda jazdy.

«Búgin jedel shtab otyrysy ótti. Eldegi jáne oblystaǵy jaǵdaıdy eskere otyryp, karantın shekteýin jeńildetý boıynsha kelesi kezeńge ótý týraly sheshim qabyldandy. Bizdiń oblys turǵyndaryna shydamdylyq pen jaýapkershilik tanytqany úshin alǵys bildiremin! Sondaı-aq osy kezeńde óńirimizdiń medıtsına jáne sanıtarlyq-epıdemıologııalyq sala qyzmetkerleriniń joǵary eńbegin erekshe atap ótkim keledi. Tótenshe jaǵdaı engizilgen alǵashqy kúnnen bastap biz úshin shekteý sharalary men ekonomıkamyzdyń jáne azamattardyń ál-aýqaty arasyndaǵy balansty saqtaý mańyzdy boldy. Sondyqtan kezeń-kezeńimen barlyq shekteýlerdi tolyq alyp tastaý jáne ádettegi ómirge oralý baǵytynda jumysty jalǵastyramyz», - dedi ákim.

Onyń aıtýynsha, oblys boıynsha karantın rejımi 13 maýsymǵa deıin saqtalady. Biraq 3 maýsymnan bastap Semeıden ózge barlyq aýdandar men qalalarda sanıtarlyq-epıdemıologııalyq qaýipsizdik mindetterin saqtaı otyryp, túngi klýbtar men kalıan tartý oryndarynan basqa kásipkerlik nysandar jáne ózge de qyzmettiń barlyq túrleri jumysyn qaıta bastaıdy.

«Kınoteatrlar men teatrlar ashylǵanymen onyń jalpy syıymdylyǵynyń 50%-yn ǵana toltyrýǵa ruqsat etiledi. Osyndaı talappen qoǵamdyq tamaqtaný oryndary da jumys isteıdi. Alaıda úlken is-sharalar ótkizýge bolmaıdy. Osy rette aıta keteıin, sizderden úılený toılary men as ótkizý týraly ótinishter kóp túsýde. Buǵan oraı kásipkerler men sanıtarlyq qyzmetter birlese otyryp, otbasylyq saltanat jáne eske alý sharalary kezinde azamattarymyzdyń qaýipsizdigi men densaýlyǵyn saqtaýǵa kepildik beretin jumys algorıtmin ázirleýi tıis. Sondaı-aq Semeı turǵyndaryna ótinish bildirgim keledi. Ótken aptanyń sońynda men súıikti qalamyzdy aralap, kásipkerlermen kezdesý ótkizdim. Sizdiń usynystaryńyz ben ótinishterińizdi eskere otyryp, biz 6 maýsymnan bastap túngi klýbtardy, kalıan tartý oryndaryn qospaǵanda, kásipkerlik jáne basqa da qyzmettiń barlyq túrlerin ashý týraly sheshim qabyldadyq. 2000 sharshy metrden aspaıtyn iri saýda nysandary men oıyn-saýyq ortalyqtary iske kirisedi. ShQO-da koronavırýs jaǵdaıy áli de turaqsyz. Sondyqtan barlyqtaryńyzdy uqyptylyqqa, saqtyqqa shaqyramyn», - dedi Danıal Ahmetov.


Bizdiń kanalymyzǵa jazylyńyz:

Bólisińiz:

Avtor:

Talǵatjan Muhametbekuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT