ShQO-da 16 jastaǵy stýdentten qarý tárkilendi
2022 jylǵy 29 qańtar 18:13

ShQO-da 16 jastaǵy stýdentten qarý tárkilendi

ÓSKEMEN. QazAqparat – Shyǵys Qazaqstan oblysynda 16 jastaǵy stýdentten qarý tárkilendi, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, óńir aýmaǵynda quqyq buzýshylyqtardyń aldyn alý jáne qylmyskerlerdiń jolyn kesý maqsatynda «Quqyqtyq tártip» jedel-aldyn alý sharasy júrgizilýde.

«Shara bastalǵaly beri qarýdy zańsyz alyp júrý men saqtaýdyń 10 faktisi anyqtaldy. Máselen, kolledjderdiń birinde oqıtyn 16 jastaǵy stýdentten tegis uńǵyly myltyq tárkilengen», - delingen aqparatta.

Belgili bolǵandaı, ol 2021 jyldyń qazan aıynda úıiniń shatyrynan qapqa oralǵan myltyqty taýyp alǵan. Polıtseıler áleýmettik jelilerdi monıtorıngileý barysynda qarýdy zańsyz saqtaǵan jasóspirimdi anyqtady. Stýdent óz akkaýntynda myltyqpen túsken sýretin júktep qoıǵan.

Sarapshynyń qorytyndysyna sáıkes, bul atýǵa jaramdy 12 kalıbrli tegis uńǵyly ańshylyq myltyq. ІІM BDB bazasyna tirkelmegen. Kámeletke tolmaǵan jasóspirimniń 37 jastaǵy anasyna qatysty QR ÁQBtK-niń 482-baby 1-bóligi boıynsha ákimshilik hattama toltyryldy.


Jańalyqtar

MURAǴAT