+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

ShQO-da 100 shaqyrymnan astam jol qar kóshkininiń astynda qalýy múmkin

2020 jylǵy 22 qazan 23:52
Bólisińiz:
ShQO-da 100 shaqyrymnan astam jol qar kóshkininiń astynda qalýy múmkin

ÓSKEMEN. QazAqparat – Shyǵys Qazaqstan oblysynda 100 shaqyrymnan astam jol qar kóshkininiń astynda qalýy múmkin, dep habarlaıdy QazAqparat tilshisi.

Shyǵys Qazaqstan elimizdegi qar kóshkini jıi júretin qaýipti aýmaqtardyń biri. Kóshkin júrý qaýpi bar ýchaskelerde qandaı jumystar atqarylǵandyǵy jáne qys mezgiline daıyndyǵy týraly ShQO TJD Azamattyq qorǵanys basqarmasynyń bastyǵy Tımýr Dıdahmetov aıtyp berdi.

«Búgingi tańda oblys aýmaǵynda qar kóshkini qaýpi bar 497 ýchaske anyqtalyp otyr. Onyń 336-y asa qaýipti bolyp sanalady. Bizdiń boljamymyzsha 100 shaqyrymnan astam jol qar kóshkininiń qursaýynda qalýy múmkin. Qarasha aıynan bastap kóshkin qaýpi bar ýchaskelerge tekserý júrgizemiz. Baqylaý jumystaryn táýlik boıy 6 dıspetcherlik pýnkt júzege asyrady. Oblys turǵyndaryna eskertý úshin «Saq bolyńyz, qar kóshkini qaýpi bar aımaq» degen plakattar ornatyldy. Zýbovka taýynda qar ustaıtyn qalqandarǵa jóndeý jumystary júrgizildi. Sondaı-aq 10 ýchaskege 66 jańa qalqan qoıyldy», - dedi ol.

Sondaı-aq TJD «Qazgıdromet» RMK fılıalymen birlesip, barlyq azamattarǵa qoljetimdi «DARMEN» mobıldi qosymshasy arqyly daýyldy eskertý týraly aqparattardy jedel jiberip otyrý úshin alý tıisti sharalardy qabyldady.

Qys kezinde avarııalyq-qutqarý is-qımyldaryn júrgizý úshin departament rezervinde 150-den astam tehnıka bar. Shuǵyl kómek kórsetý úshin Óskemen áýejaıynda «Qazavıaqutqarý» bólimshesiniń «Evrokopter 145» bir tikushaǵy ornalasqan. TJ qyzmetiniń jeke quramynyń sany - 2000-nan astam adam.

«Qysta jolǵa shyǵarda barlyǵyn muqııat josparlap, kez-kelgen jaǵdaıǵa daıyn bolǵanyńyz jón. Ár avtokólikte qıyn jaǵdaıda adam ómirin qutqaratyn: dánekerleıtin sham, arqan, kúrek syndy birinshi kezekte qajetti zattar bolýy tıis», - dep túıindedi Tımýr Dıdahmetov.



Bizdiń kanalymyzǵa jazylyńyz:

Bólisińiz:

Avtor:

Talǵatjan Muhametbekuly

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT