ShQO-da 10 myńǵa jýyq bala bıyl birinshi synypqa barady
2022 jylǵy 18 tamyz 20:52

ShQO-da 10 myńǵa jýyq bala bıyl birinshi synypqa barady

ÓSKEMEN. QazAqparat – Shyǵys Qazaqstan oblysynda bıylǵy oqý jylynda 10 myńǵa jýyq bala mektep tabaldyryǵyn birinshi ret attaǵaly otyr, dep habarlaıdy QazAqparat tilshisi.

Abaı óńiri bólinip shyqqannan keıin Shyǵys Qazaqstan oblysyna qarasty 342 mektep qaldy. Aldaǵy jańa oqý jylynda bilim ordalary 95 138 oqýshyǵa esikterin aıqara ashpaq. Onyń ishinde 9 728 bala mektep partasyna birinshi ret otyrady.

«Oblysta aldaǵy oqý jylyna belsendi daıyndyq júrip jatyr. Bilim berý uıymdaryna kúrdeli jáne aǵymdaǵy jóndeý júrgizý úshin 1 mlrd teńge bólingen. Modıfıkatsııa kabınetteri jańartylýda, onyń ishinde bıyl óńirdiń 17 mektebine 129,6 mln teńgege 22 kabınet jabdyqtalǵan. Rıdder, Shemonaıha qalalarynda, Ulan aýdany Qasym Qaısenov kentinde, Kúrshim aýdanyndaǵy Ýrýnhaıka jáne Jolnusqaý aýyldarynda jańa mektepter salynýda», - deıdi ShQO bilim basqarmasy basshysynyń mindetin atqarýshy Alıma Aqylbekqyzy.

Onyń aıtýynsha, oqý jyly bastalǵanǵa deıin balalar barlyq oqýlyqtarmen qamtamasyz etiledi.

«Óńirde daryndy balalarǵa arnalǵan 6 mamandandyrylǵan mektep bar. Oqýshylardy qabyldaý QR Oqý-aǵartý mınıstrligi ótkizetin emtıhandar qorytyndysy boıynsha júzege asyrylady. Qazirgi ýaqytta osy mektepterge áleýmettik osal topqa jatatyn otbasy balalaryn qabyldaý júrgizilýde. Nıet bildirgender qujattardy 23 tamyzǵa deıin tapsyra alady», - dedi Alıma Aqylbekqyzy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT