+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

ShQO aýyldaryna joǵary jyldamdyqty ınternet tartylady

2020 jylǵy 11 qyrkúıek 20:17
Bólisińiz:
ShQO aýyldaryna joǵary jyldamdyqty ınternet tartylady

ÓSKEMEN. QazAqparat – Shyǵys Qazaqstan oblysy Ulan aýdanyndaǵy birneshe aýylǵa joǵary jyldamdyqty ınternet tartylmaq, dep habarlaıdy QazAqparat tilshisi.

Búginde Shyǵys Qazaqstanda ınternet jelisi nashar nemese múldem ustamaıtyn eldi mekender bar. Osyǵan oraı aýyldarǵa tez arada joǵary jyldamdyqtaǵy ınternet jelisin tartý jumystary júrgizilýde. Sonyń nátıjesinde óńirdegi oqýshylar qashyqtan alańsyz bilim alatyn bolady.

«Qazaqtelekom» AQ fılıalynyń habarlaýynsha, jyl basynan beri kompanııa oblystaǵy barlyq aýdanǵa 1800 shaqyrymdy quraıtyn talshyqty-optıkalyq jeli tartý jumystaryn júrgizgen. Nátıjesinde, uıaly baılanys ustamaıtyn jerlerde de ınternet júıesi iske qosylǵan. Qazir bul baǵyttaǵy jumystar Óskemen qalasyna jaqyn ornalasqan eldi mekenderde júrgizilýde. Máselen Ulan aýdanynda ınternet jelisi tartylýda.

«Qazaqtelekom» AQ fılıalynyń tehnıkalyq dırektory Ǵazınur Raımhanovtyń aıtýynsha, 20 qyrkúıekke deıin Ulan aýdanynda memlekettik-jekeshelik seriktestik aıasynda Ulan, Bozanbaı, Tarǵyn, Asýbulaq aýyldaryna ınternet jelisi tartylady.

«Aýdan ákimdigimen birlesip, Besterek pen Іzǵutty Aıttyqov aýyldaryna ınternet tartýdyń tehnıkalyq sheshimin taptyq. 1 qazanǵa deıin osy baǵyttaǵy jumystar tolyq aıaqtalyp, turǵyndar keń jolaqty ınternetke qol jetkizedi», - dedi ol.

Ulan aýdandyq bilim bóliminiń basshysy Qýat Oqasovtyń aıtýynsha, ınternetke qatysty týyndaǵan másele qaramastan oqý úrdisi jospar boıynsha júrgizilýde.

«Eldi mekenderde shaǵyn komplektili mektepter ornalasqan. 1 qyrkúıekten bastap oqýshylar shtattyq rejımde bilim alýǵa kóshti. Barlyq aýyl mektebinde ınternet bar. Qala mektepterinde oqıtyn oqýshylar, sondaı-aq stýdentter jumys kúnderi aýyldaǵy bilim oshaqtaryna baryp, sabaq oqı alady. Onda barlyq sanıtarlyq talap saqtalǵan», - dedi Qýat Oqasov.

Aıta keteıik, 2019 jyly oblystaǵy 150 eldi mekenge ınternet jelisi tartylmasa, bıyl bul kórsetkish 2 esege azaıǵan.


Bizdiń kanalymyzǵa jazylyńyz:

Bólisińiz:

Avtor:

Talǵatjan Muhametbekuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT