+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Shildede qazaqstandyqtar 102,6 keli altyn quımasyn satyp alǵan

2021 jylǵy 18 tamyz 12:45
Bólisińiz:
Shildede qazaqstandyqtar 102,6 keli altyn quımasyn satyp alǵan

NUR-SULTAN. QazAqparat – Shilde aıynda qazaqstandyqtar 2400-den astam altyn quıma satyp alǵan, dep habarlaıdy QazAqparat tilshisi.

Ulttyq banktiń resmı saıtyna jarııalanǵan málimetke súıensek, bir aıdyń ishinde ekinshi deńgeıli bankter men jekelegen banktik emes aıyrbastaý pýnktterinen satyp alynǵan 2410 quımanyń jalpy salmaǵy 102,6 keli bolǵan.

Jalpy Ulttyq bank tazartylǵan altyn quımalardy satý jáne satyp alý baǵdarlamasyn 2017 jyly iske qosqan bolatyn. Sodan beri jalpy salmaǵy 2,2 tonna bolatyn 60 378 altyn quıma satylǵan.

«Azamattarǵa altyn quımalardyń bes túri usynylady: 5, 10, 20, 50 jáne 100 gramdyq. Satyp alýshylar arasynda eń kóp suranysqa ıe bolǵany – 10 gramdyq quıma. Onyń jalpy satylymdaǵy úlesi 30% – 17 868 dana. Odan keıin 100 gramdyq quıma – 13 417 dana (22%) jáne 20 gramdyq quıma – 11 910 dana (20%), 5 gramdyq quıma – 9 842 dana (16%), 50 gramdyq quıma – 7 341 dana (12%). Negizinen, ólshengen quımalar Almaty, Nur-Sultan jáne Atyraý qalalarynda suranysqa ıe», - dep jazady Ulttyq banktiń resmı saıty.

Resmı aqparatta satyp alynǵan altyn quımany saqtaýdyń tártibi bar ekeni de aıtylǵan.

«Ár quıma qorǵanys elementterimen (quımalardyń aına beti, mıkrotekst jáne releftiń sheti), quımalardy mehanıkalyq zaqymdanýdan qorǵaıtyn jáne pakettiń ashylǵan-ashylmaǵanyn tekserýdi jeńildetetin arnaıy qaptamamen shyǵarylady. Qorǵanys qaptamasy, sonymen qatar, quımanyń sapa sertıfıkaty bola alady. Sondyqtan quımany saqtaǵanda muqııat bolyp, oramany ashpaǵan jón», - delingen málimette.

Ulttyq bank satýǵa shyǵarǵan altyn quımalardy Halyk Bank-, «Eýrazııalyq bank», Jusan Bank, «Bank TsentrKredıt» sııaqty bankter men aıyrbastaý pýnktterin arqyly satyp alýǵa jáne satýǵa bolady.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT