Jańalyqtar  >
  Qoǵam
Shilde aıynda Ózbekstanǵa barǵan týrısterdiń úshten birin qazaqstandyqtar qurady
2022 jylǵy 13 tamyz 15:22

Shilde aıynda Ózbekstanǵa barǵan týrısterdiń úshten birin qazaqstandyqtar qurady

TAShKENT. QazAqparat – Ózbekstannyń týrızm salasy qaıta qalpyna kelýde, shildede sheteldik týrıster aǵynynyń ótken jyldyń sáıkes kezeńimen salystyrǵanda úsh ese óskenin kórsetti, dep habarlaıdy QazAqpara menshikti tilshisi.

Ózbekstan Respýblıkasy Memlekettik statıstıka komıtetiniń derekteri boıynsha, 2022 jylǵy shildede Ózbekstanǵa týrıstik maqsatta 540,7 myń shetel azamaty barǵan. Bul kórsetkish ótken jyldyń sáıkes kezeńimen salystyrǵanda 359,8 myń adamǵa, ıaǵnı 3 esege kóp.

Sheteldik týrıstiń úshten bir bóligin (181,8 myń adam) Qazaqstan azamattary qurady. Sondaı-aq týrısterdiń úzdik úshtigine Ózbekstanmen kórshiles elder Tájikstan (143,4 myń týrıst) men Qyrǵyzstan (126,3 myń) kirdi.

Reseı Federatsııasynan kelgen qonaqtar sany 61,6 myń adamdy qurady. Alys shetelderden 27,6 myń týrıst keldi, onyń ishinde Túrkııadan - 6,8 myń qonaq, Ońtústik Koreıadan – 2, 2 myń, Germanııadan - 1,5 myń, AQSh-tan - 1,3 myń adam kelgen.

Buǵan deıin Ózbekstan 10 maýsymnan bastap koronavırýs pandemııasyna baılanysty respýblıkaǵa kelgenderge barlyq shekteýlerdi alyp tastaǵany týraly habarlanǵan bolatyn.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT