Shilde aıynda qazaqstandyqtar qansha kún demalady
2022 jylǵy 28 maýsym 18:08

Shilde aıynda qazaqstandyqtar qansha kún demalady

NUR-SULTAN. QazAqparat - Shilde aıynda Qazaqstan azamattary ádettegi senbi men jeksenbi kúnderine qosa 1 kún demalatyn boldy, dep habarlaıdy QazAqparat tilshisi.

«Qazaqstan Respýblıkasyndaǵy mereke kúnderi týraly» zańǵa sáıkes, Qazaqstan Respýblıkasynda ulttyq jáne memlekettik mereke atap ótiletin kúnder eldiń eńbek zańnamasyna sáıkes mereke kúnderi sanalady.

Bıyl elorda kúni - 6 shilde sársenbige kelip tur. Sondyqtan bul kúni qazaqstandyqtar demalady.

Munan bólek, musylman kúntizbesi boıynsha atap ótiletin Qurban aıt merekesiniń birinshi kúni demalys sanalady.

Al bıyl bul mereke shilde aıynyń 9-yna, senbi kúnine tuspa-tús kelip tur.

Memlekettik nemese ulttyq mereke demalys kúnine (senbi, jeksenbi) kelse, demalys kúni bir kúnge uzartylady.

Qurban aıt dinı mereke bolǵandyqtan ol kún senbi ne jeksenbige kelse de, qosymsha bir kún demalys berilmeıdi.

Demek, shilde aıynda qazaqstandyqtar jalpy 11 kún demalady.


Seriktester jańalyqtary

Jańalyqtar

Úrdis

MURAǴAT