Shıkizattyq emes taýar eksporty 14 mlrd dollardy qurady - Sultanov
2021 jylǵy 24 qarasha 18:29

Shıkizattyq emes taýar eksporty 14 mlrd dollardy qurady - Sultanov

NUR-SULTAN. QazAqparat – 2021 jyldyń 9 aıynda Qazaqstannyń shıkizattyq emes taýar eksporty 14 mlrd dollarǵa jetti. Bul týraly QR Saýda jáne ıntegratsııa mınıstri Baqyt Sultanov aıtty, dep habarlaıdy QazAqparat tilshisi.

«Shıkizattyq emes taýarlar men qyzmetter eksportynda oń dınamıka baıqalady. Atap aıtqanda, 2021 jyldyń 9 aıynyń qorytyndysynda shıkizattyq emes taýar eksporty 14 mlrd dollardy qurady. Bul 2020 jyldyń 9 aıymen salystyrǵanda 25,6 paıyzǵa kóp. Osy jyldyń birinshi jartyjyldyǵynda ótken jyldyń dál osyndaı kezeńimen salystyrǵanda qyzmetter eksporty 2,4 paıyzǵa artyp, 2,7mlrd dollarǵa jetti», - dedi mınıstr Senatta ótken Úkimet saǵatynda.

Onyń atap ótýinshe, shıkizattyq emes taýarlar eksportynyń artýyna Úkimet júrgizip otyrǵan proaktıvti eksporttyq saıasat oń septigin tıgizip otyr. Ol shamamen 20 qarjylyq jáne qarjylyq emes quraldy qamtıdy.

«Osy jyldyń 9 aıynda 74 eksporttaýshyǵa 119 mlrd teńgeniń jeńildetilgen nesıesi usynyldy. 158 eksporttaýshynyń 5,9 mlrd teńge shyǵysy óteldi. 69 eksporttaýshyǵa 105 mlrd teńgege saqtandyrý qoldaýy kórsetildi. 200-den astam eksporttaýshy konsýltatsııalyq-saraptamalyq qoldaý aldy», - dedi Baqyt Sultanov.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT