+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Shetelge shyǵa almaıtyn boryshkerlerdiń qaryz shegi 91 myńǵa deıin kóterildi

2020 jylǵy 9 shilde 10:48
Bólisińiz:
Shetelge shyǵa almaıtyn boryshkerlerdiń qaryz shegi 91 myńǵa deıin kóterildi

NUR-SULTAN. QazAqparat - Shetelge shyǵýǵa tyıym salynatyn boryshkerlerdiń qaryz somasynyń shegi 20 aılyq eseptik kórsetkishten (1 AEK - 2778 teńge) 40 AEK-ke deıin kóterildi, dep habarlaıdy QazAqparat tilshisi.

«Buryn boryshkerler qoıylǵan tyıymdar týraly tek ushý kezinde ǵana bilip, olardy reısterden túsirip alatyn bolsa, endi olardy 5 jumys kúni ishinde aldyn ala habardar etetin bolady», - dedi QR Ádilet mınıstrliginiń baspasóz qyzmetinen.

Osy jyldyń 27 maýsymynda QR Prezıdenti «Qazaqstan Respýblıkasynyń keıbir zańnamalyq aktilerine atqarýshylyq is júrgizýdi jáne qylmystyq zańnamany jetildirý máseleleri boıynsha ózgerister men tolyqtyrýlar engizý týraly» Zańǵa qol qoıdy. Atalǵan zańmen Atqarýshylyq is júrgizý týraly zańnyń normasyna elden shyǵýǵa tyıym salý boıynsha jańa jeńildetilgen shekteý sharalary engizildi.

Zań normasymen bereshek shegi ulǵaıtyldy, odan asyp ketken kezde elden shyǵýǵa ýaqytsha shekteý qoldanylady.

Búgingi kúni shyǵýǵa tyıym salý 20 aılyq eseptik kórsetkishten artyq qaryz bolǵan jaǵdaıda qoldanylsa,endi bul shek 40 AEK-ke deıin kóterildi.

Budan basqa, sot oryndaýshysynyń óz qalaýy boıynsha áreket etý ókilettigin qysqartý maqsatynda elden shyǵýǵa tyıym salý aldynda bes jumys kúni buryn boryshkerge habarlaý týraly norma engizildi.

ıAǵnı, buryn boryshkerler qoıylǵan tyıymdar týraly tek ushý kezinde bilip, olardy reısterden túsirip alatyn bolsa, endi aldyn ala habardar etiletin bolady.

Sondaı-aq elden shyǵýǵa ýaqytsha shekteý qoıý merzimderi, tártibi men negizderi, onyń ishinde onyń kúshin joıý merzimderi men negizderi qaıta qaraldy.

Qazir ýaqytsha shekteýlerdi sot oryndaýshysy úsh jumys kúni ishinde emes, bir kún ishinde kúshin joıady. Zań 2020 jylǵy 8 maýsymda kúshine endi.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT