Shetelge ketip jatqan jastardy qoldaımyn – Baǵdat Mýsın
2022 jylǵy 27 mamyr 23:31

Shetelge ketip jatqan jastardy qoldaımyn – Baǵdat Mýsın

NUR-SULTAN. QazAqparat – QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın elimizden shetelge ketip jatqan jastarǵa qatysty pikirin bildirdi, dep habarlaıdy QazAqparat.

«Jýyrda jýrnalıster menen sheteldik iri komanııalarda jumys isteýge ketip jatqan jastarymyz týraly oıymdy surady. Men olardy qoldaımyn! Bul rette Úndistan men Qytaıdy mysalǵa keltirýge bolady – bul elderdiń myńdaǵan jas azamattary Shtattarda jáne basqa memleketterde jumys isteıdi. Solardyń keıbireýi myqty kompanııalardy basqaryp otyr. Álemdegi iri kompanııalardyń basshylyǵynda kezinde óz elinen ketken kisiler júr. Mundaı úrdistiń nátıjesi qandaı? Bul kisiler qazir óz otanyna ınvestıtsııa quıýda, ózi jumys isteıtin kompanııalardyń ókildikterin ashyp, týǵan elderin damytýǵa úlken úlesin qosyp jatyr»,-dep jazdy Baǵdat Mýsın óziniń Facebook paraqshasynda.

Sondaı-aq ol Qazaqstannan da shetel asyp, iri kompanııalarda jumys istep jatqan jastar jeterlik, olar da óz eline jany ashyp, qoldaý kórsetip jatyr – qajetti keńes berý, mańyzdy adamdarmen tanystyrý, keıde tipti iri kompanııalarmen memorandým jasaýǵa atsalysyp júr. Mysaly, Binance Earn kompanııasyndaǵy Business Development director qyzmetindegi @Raýan Sagıdýlla TsDIAÓM vıtse-mınıstri @Jaslan Madıev bastaǵan áriptesterimmen birge álemdik krıptobırja lıderi Chanpen Chjaonyń Qazaqstanǵa saparyn uıymdastyryp, memorandýmǵa qol qoıýǵa jol ashty.

Barshańyzǵa el bolashaǵy úshin jasaǵan osyndaı eńbekterińiz úshin alǵys aıtamyn, al halyqaralyq kompanııalarǵa ornalasyp jatqan jáne sheteldik JOO-da bilim alyp júrgen otandastaryma sáttilik tileımin! Qazaqstandyqtardyń óz eline degen ystyq yqylasyna kúmánim joq, sondyqtan olar mindetti túrde týǵan jerdiń ıgiligi úshin qyzmet etip, aldaǵy ýaqytta elge oralatyndaryna senimdimin!»,-deıdi mınıstr.


Uqsas jańalyqtar

Jańalyqtar

MURAǴAT