+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Sheteldikterdiń Qazaqstanǵa kelýin jeńildetý jumysy qalaı júrgizilip jatyr

2019 jylǵy 30 qazan 18:44
Bólisińiz:
Sheteldikterdiń Qazaqstanǵa kelýin jeńildetý jumysy qalaı júrgizilip jatyr

NUR-SULTAN. QazAqparat – Sheteldikterdiń Qazaqstanǵa kelýin jeńildetý jumysy qalaı júrgizilip jatyr? Jeńildetilgen tártipter legi týraly QR ІІM Kóshi-qon komıteti tóraǵasynyń orynbasary Galına Sársenova aıtyp berdi, dep habarlaıdy QazAqparat tilshisi.

Uqsas jańalyqtar
Qazaqstannyń Elshisi Portýgalııa Prezıdentine senim gramotalaryn tapsyrdy Muhtar Tileýberdi  Ispanııaǵa saparlaıdy Muhtar Tileýberdi AQSh-qa resmı saparmen barady

«Memleket basshysy sóz qozǵaǵan másele boıynsha, atap aıtqanda sheteldikterdiń tirkeýin jeńildetý týraly bastama keń talqylanyp jatyr. Qazirgi ýaqytta Qazaqstan ratıfıkatsııalaǵan kelisimge sáıkes, elde tirkeýden ótýden 30 kúnge deıin 57 memlekettiń azamaty bosatylǵan. ıAǵnı, ol eldiń azamattary memlekettik shekaradan ótken kezde-aq tirkeýden ótedi. Ol týraly, bálkim, Qazaqstanǵa kelgen vızasy bar sheteldik bilmeýi de múmkin. Biraq, mundaı tártip bizdiń elde kúshinde», - dedi Galına Sársenova ІІM-de ótken baspasóz máslıhatynda.

Komıtet ókiliniń aıtýyna qaraǵanda, 2018 jyly Qazaqstanǵa shetelden shaqyrylǵan azamattardy tirkeý protsesi engizilgen. ıAǵnı, shaqyrtýdy tapsyryp, elge kirý úshin vızany alar kezde shetel azamaty qaı jerde bolatynyn, kimniń shaqyrtqanyn, qandaı maqsatta kelgenin birden kórsetedi. Ol málimettiń bári osydan keıin tıisti «Búrkit» atty aqparattyq júıege engiziledi.

«Sol júıede elimizdiń qaı jerin aralaıtyny da kórsetiledi. Atalǵan qyzmet sheteldikterdi elektrondy túrde tirkeý múmkindigine jol ashty. Sondyqtan, bul jaǵdaıda da tirkeý júrgizilmeıdi. Qazirgi tańda bizdiń elimizde 9 memlekettiń azamaty polıtsııaǵa kelip tirkelýi tıis. Olar: Argentına, Armenııa, Grýzııa, Moldova, Mońǵolııa, Ázerbaıjan, Serbııa, Gon-Kong (Qytaı) jáne Ózbekstan. Tirkeý týraly bul normalardyń barlyǵy da buryn memleketter arasynda bekitilgen halyqaralyq kelisimderge negizdelgen», - dedi ol.

Galına Sársenovanyń sózine sensek, qazirgi tańda Qazaqstanda 17 Kóshi-qon halyqqa qyzmet kórsetý ortalyǵy bar.

«Tirkeýden ótýi tıis sheteldik azamattar sol ortalyqqa bara alady. Ol jerde ýaqytsha kelgen orny tirkelip, avtomatty túrde eńbek patentteri beriledi. Qazirgi ýaqytta HQO-larda Qazaqstan aýmaǵyna shaqyrtýdy elektrondy túrde resimdeý, sheteldiktiń óziniń mıgratsııalyq portal arqyly tirkelýi qoljetimdi. Bıyl osy qyzmet arqyly 100 myń sheteldik portal arqyly tirkeldi. Qazirgi ýaqytta «E-otel» arnaıy júıesin engizgeli jatyrmyz. Ol boıynsha, zańdy tulǵalar, onyń ishinde qonaq úıler shetel azamatyn ornalastyrýmen birge el aýmaǵyna tirkeı alady. ıAǵnı, qonaq úılerdiń ákimshileri shetel azamatyn HQO-ǵa sandaltpaıdy. Sonymen birge, SMS-habarlamany vızalyq mıgratsııalyq portalǵa habarlama jibere alady. Atalmysh portal sheteldiktiń Qazaqstanda júrýin úılestire alady», - dedi ol.

Eske sala ketsek, QR Prezıdenti Qasym-Jomart Toqaev Almaty qalasyn damytý máseleleri jóninde keńeste jýyq arada sheteldikterdi mindetti tirkeý sııaqty anahronızmnen qutylý kerektigin málim etken edi.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT