Sheteldikterdiń qatysýymen 63 mlrd dollardyń jobalary iske asyrylyp jatyr
2022 jylǵy 1 shilde 14:22

Sheteldikterdiń qatysýymen 63 mlrd dollardyń jobalary iske asyrylyp jatyr

NUR-SULTAN. QazAqparat – Elimizde sheteldikterdiń qatysýymen 63 mlrd dollardyń jobasy iske asyrylyp jatyr. Bul týraly «Halyqaralyq qatynastardyń qazirgi zamanǵy júıesindegi Qazaqstan Respýblıkasy» atty halyqaralyq konferentsııa barysynda QR Syrtqy ister mınıstri Muhtar Tileýberdi aıtty, dep habarlaıdy QazAqparat tilshisi.

«Ekonomıkalyq dıplomatııaǵa jáne sheteldik ınvestıtsııany tartý jónindegi memlekettik saıasatqa erekshe kóńil bólemiz. 30 jyl ishinde elimizdiń ekonomıkasyna 380 mıllıard dollardan astam tikeleı sheteldik ınvestıtsııa tartýǵa qol jetkizip, ınvestorlar úshin óńirlik habqa aınaldyq. 2021 jyldyń qorytyndysynda 6 myńnan astam jumys orny qurylǵan, jalpy somasy 3,67 mıllıard dollarǵa sheteldikterdiń qatysýmen 44 ınvestıtsııalyq joba paıdalanýǵa berildi. Qazir KAZAKH INVEST-pen birlese otyryp, 63 mıllıard dollar somasyna sheteldikterdiń qatysýymen 450 joba boıynsha jumys júrgizilýde», - dedi mınıstr.

Onyń atap ótýinshe, halyqaralyq ınvestıtsııalar úshin básekelestiktiń kúsheıýi jaǵdaıynda eldiń ınvestıtsııalyq tartymdylyǵyn arttyrý boıynsha júıeli sharalar qabyldap jatyr.

«Ótken aptada ǵana Úkimet elimizdiń 2026 jylǵa deıingi ınvestıtsııalyq saıasatynyń jańa tujyrymdamasyn bekitti. Qujat qosylǵan quny joǵary taýarlardy básekege qabiletti óndirýge baǵyttalǵan ınvestıtsııalardyń qurylymyn ózgertý boıynsha sharalar keshenin júzege asyrýdy kózdeıdi», - dedi Muhtar Tileýberdi.


Seriktester jańalyqtary

Jańalyqtar

Úrdis

MURAǴAT