+7 (701) 759 90 19 Lenta
USD 386.70 EUR 427.15
RUB 6.06 CNY 54.57
Jańalyqtar

Sheteldikter úshin qazaqstandyq balanyń quny qansha  - Arýjan Saınniń saýaly

2019 jylǵy 22 tamyz 11:32
Bólisińiz:
Sheteldikter úshin qazaqstandyq balanyń quny qansha  - Arýjan Saınniń saýaly

NUR-SULTAN. QazAqparat – Qazaqstandyq sábılerdi asyrap alý protsesin ashyq ete túsý qajet. QR Bala quqyqtary jónindegi ýákil Arýjan Saın óziniń Facebook paraqshasynda QR Bala quqyqtaryn qorǵaý komıtetine osy mándegi saýal joldady, dep habarlaıdy QazAqparat tilshisi.

Uqsas jańalyqtar
Oralda 3,6 mln teńge alıment tólemegen boryshker sottalyp tyndy Almaty oblysynyń turǵyndary jol jáne múlik qaýipsizdigine alańdaýly SQO-da kásipkerler bıznes-ombýdsmen Bolat Palymbetovpen kezdesti

Aýrjan Saın áleýmettik jelide qazaqstandyq búldirshinderdiń sheteldik azamattarǵa 200 000 dollarǵa satylyp jatqany týraly habar taraǵanyn aıtady. Onyń sózine qaraǵanda, jeli qoldanýshylary bul iske Arýjan Saınnyń da qatysy bar degen aqparat taratqan.

«Áleýmettik jelide jarııalanǵan aqparatqa qatysty aıtsam, Arýjan Saınnyń sheteldikterdiń bala asyrap alýyna esh qatysy joq. Arýjan Saın bul ispen eshqashan aınalyspaǵan», - dep jazdy ýákil.

«Búginde QR Bala quqyqtaryn qorǵaý komıteti halyqaralyq bala asyrap alý isine kásiptengen 13 agenttikti akkredıttegen. 2015 jyldan beri búginge deıin 156 búldirshin shetel asqan. Olardyń jasy 1 jáne 9 aralyǵynda. Sheteldikterdiń asyrap alýyna respýblıkalyq balalar bankiniń ortalyqtandyrylǵan esebinde turǵan erekshe muqtajdyǵy bar, bir jastan asqan balalar ǵana beriledi», - deıdi Arýjan Saın.

Zań boıynsha sheteldik bala asyrap alýshylardan Qazaqstan eshqandaı aqy talap etpeıdi. Tek sotqa baj tólemi retinde alym qarastyrylǵan.

«Ashyq kózderden, akkredıttelgen uıymdardyń saıttarynan bala asyrap alýdyń barlyq algorıtmderin oqýǵa bolady. Tipti Qazaqstannan bala asyrap alý quny qansha ekeni de jazylǵan. Bul qyzmettiń quny 15800-38500 eýro aralyǵynda. Bul ózge memleketterge qaraǵanda áldeqaıda tómen! Sheteldik juptarǵa mekeme dırektorlaryna «sary altynnan jasalǵan buıymdar» men opa-dalap, átir, spırttik ishimdikter syıǵa tartý kerektigi týraly aqyl-keńester berilgen. Nusqaýlyqtardyń keıbirinde balanyń qazaqstandyq dıagnozy kóp jaǵdaıda eýropalyq nemese amerıkalyq dıagnozben sáıkespeı jatatynyn eskertedi», - degen ýákil atalmysh aqparattardy taratýshy kózderdiń siltemesin de keltirgen.

Bala quqyqtary jónindegi ýákil atalmysh máseleler boıynsha QR Prezıdentine, QR Bas Prokýratýrasy men QR Bilim jáne ǵylym mınıstrligine hat joldapty. Arýjan Saın sheteldik azamattardyń qazaqstandyq sábılerdi asyrap alýyn qoldaıtynyn aıtady.

Onyń pikirinshe, ár balanyń Qazaqstan azamatynyń nemese sheteldiktiń qamqorlyǵyna alynyp, otbasy jaǵdaıynda tárbıelenýine quqyǵy bar. Bul bir jaǵynan Qazaqstannyń halyqaralyq konventsııalardy oryndaýymen tikeleı baılanysty.

«Alaıda bul protsess bastan-aıaq ashyq júrip, 100 paıyz zańdy ári túsinikti bolýy tıis. Sondaı-aq, qazaqstandyq jáne sheteldik asyrap alýshynyń quqyqtary zańnamalyq negizde teń bolýy shart. QR «Neke jáne otbasy» Kodeksiniń 115-babyna sáıkes, jeke jáne zańdy tulǵalardyń jetim balalar men erekshe muqtajdyǵy bar sábılerdi tańdaýǵa, ornalastyrýǵa, bireýge berýge baǵyttalǵan deldaldyq jáne ózge de qyzmetterine tyıym salynǵan. ıAǵnı, jeke jáne zańdy tulǵalar mundaı qyzmet barysynda eshqandaı kommertsııalyq múddege jumys istemeýi tıis», - dep jazdy ol óz paraqshasynda.

Bala quqyqtaryn qorǵaýshy ýákil osynyń bárin tize kelip, QR Bala quqyqtaryn qorǵaý komıtetiniń tóraıymy Mánshúk Ábidkárimnen bireneshe saýal boıynsha túsinikteme berýdi suraǵan.

1. Komıtet akkredıttegen sheteldik agenttikterdiń deldaldyq qyzmetiniń qunynda 15 800-38 500 eýro aralyǵyndaǵy aıyrmashylyq qaıdan kelgen?

2. Bala asyrap alýshylarǵa balalar mekemeleriniń dırektorlaryna altyn áshekeıler túrinde «syılyq tartý kerektigi» týraly aıtylǵan aqyl-keńesterge qatysty túsinikteme berý.

3. «Bala asyrap alý týraly sheshimge shaǵymdaný kezeńiniń sońynda balalar úıine tólenetin qaıyrmaldyqtar» (3000 eýro) týraly aqparatqa, atalmysh mekemelerdiń osy qarajatty alýy, qujattaýy jáne paıdalanýy boıynsha túsinikteme berý.

4. Asyraýǵa berilgen balalardyń dıagnozdary týraly qujattardy usyný. Keıbir saıttarda bul dıagnozdardyń emdelý múmkin ekeni aıtylǵan. Solaı bolsa, komıtet nege nazarǵa alyp, qajetti medıtsınalyq kómek kórsetpegen?

5. Sheteldikterdiń asyrap alýyna qandaı mekemelerden jáne qandaı óńirlerden bala berildi?

Bizdiń kanalymyzǵa jazylyńyz:

Basty sózder: Qoǵam, Zań,
Bólisińiz:

Avtor:

Esimjan Naqtybaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT