Sheteldik eńbekshige jınaqtaýshy júıeden zeınetaqy tóleý kózdeledi - Birjan Nurymbetov

NUR-SULTAN. QazAqparat - QR Parlamenti Májilisi «Eýrazııalyq ekonomıkalyq odaqqa múshe memleketterdiń eńbekshilerin zeınetaqymen qamsyzdandyrý týraly kelisimdi ratıfıkatsııalaý týraly» QR Zańyn maquldady, dep habarlaıdy QazAqparat tilshisi.

Uqsas jańalyqtar

Zeınetaqy jınaqtaryn qalaı tekserýge bolady

Jeke tabys salyǵy salynatyn tabystan zeınetaqy jáne MÁMS jarnalary alynyp tastalmaǵan - komıtet Prezıdent zeınetaqy júıesin ary qaraı damytý jaıynda aıtty

«Eýrazııalyq ekonomıkalyq odaq týraly shartta zeınetaqymen qamsyzdandyrý máselesin retteý maqsatynda jeke halyqaralyq shart ázirleý kózdelgen bolatyn. Osyǵan baılanysty tıisti kelisim ázirlenip, 2019 jyldyń 20 jeltoqsanynda Memleket basshylary qol qoıdy. Atalǵan kelisimniń negizgi maqsaty - jumysqa ornalastyrýshy memleket óz azamattaryna taraıtyn jaǵdaılarda jáne tártippen eńbekshilerdiń zeınetaqy quqyqtaryn qalyptastyrý, saqtaý jáne iske asyrý, eńbekshilerdiń zeınetaqylaryn taǵaıyndaýǵa jáne eksporttaýǵa baılanysty máselelerdi sheshý, sondaı-aq múshe memleketter arasynda zeınetaqymen qamsyzdandyrý salasyndaǵy yntymaqtastyqty nyǵaıtý», - dedi atalǵan másele boıynsha baıandama jasaǵan QR Eńbek jáne halyqty áleýmettik qorǵaý mınıstri Birjan Nurymbetov.

Onyń atap ótýinshe, búginde EAEO-ǵa múshe memleketterde ártúrli zeınetaqy júıesi qalyptasqan. Mysaly, Belarýsta jınaqtaýshy zeınetaqy júıesi joq. Al basqa elderde jınaqtaýshy júıeleri ártúrli. Zeınetaqy júıelerin qarjylandyrý jáne zeınetaqy qarajatyn bólý tásilderinde de aıyrmashylyqtar bar. Budan basqa zeınetaqy júıeleri qurylymdyq jaǵynan, ıaǵnı zeınetkerlik jasy, mólsheri, eńbek ótili jáne basqa da parametrler boıynsha erekshelenedi.

«Qazirgi ýaqytta turaqty turatyn sheteldik azamattar úshin zeınetaqymen qamsyzdandyrý máselesi rettelgen. Al jumys maqsatynda ýaqytsha kelgen eńbekshiler úshin bul másele rettelmegen kúıde qalyp otyr. Sondyqtan atalǵan kelisimniń kúshine enýi eńbekshilerdiń zeınetaqy salasyndaǵy máselelerin retteýge múmkindik beredi. Atap aıtqanda jumysqa ornalastyrýshy memlekettiń azamattary men eńbekshilerdiń teń quqyqtaryn qamtamasyz etiledi. Ár memleket óz aýmaǵynda jumys ótili kezeńderi úshin zeınetaqy tóleıtin bolady. Árbir múshe memleket zeınetaqy alý quqyǵyn aıqyndap, onyń mólsherin óziniń ulttyq zańnamasyna sáıkes esepteıdi», - dedi mınıstr.

Onyń aıtýynsha, kelisim aıasynda Qazaqstan tarapynan eńbekshi kóship-qonýshylarǵa ulttyq zańnamada belgilegen tártippen tek jınaqtaýshy zeınetaqy júıesinen zeınetaqy tólemderi kózdeledi.

«Kelisimdi iske asyrý jónindegi quzyretti organ retinde bizdiń tarapymyzdan Biryńǵaı jınaqtaýshy zeınetaqy qory belgilenedi», - dedi Birjan Nurymbetov.