+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Shetelden temeki men shınany zańsyz ákelip otyrǵan qylmystyq top sottaldy

2020 jylǵy 6 aqpan 14:38
Bólisińiz:
Shetelden temeki men shınany zańsyz ákelip otyrǵan qylmystyq top sottaldy

NUR-SULTAN. QazAqparat - 1 mlrd 700 mln teńgeni quraıtyn kontrabandalyq taýarlar memleket paıdasyna tárkilendi, dep habarlaıdy QazAqparat Bas kólik prokýratýrasyna silteme jasap.

Sotqa deıingi tergeý organdarynyń negizgi mindetteriniń biri - qylmystyq quqyq buzýshylyqpen keltirilgen zııandy óteý sharalaryn qabyldaý.

«Bul úshin kólik prokýrorlary qylmystyq protsestiń zańdylyǵyn qadaǵalaý barysynda urlanǵan zattar men qarajatty, sondaı-aq kúdiktiniń múlkin, qylmystyq quqyq buzýshylyq jasaý qarýy jáne quraldaryn anyqtaýdy qamtamasyz etedi.​ Osy jumystyń nátıjesinde 2019 jyly jábirlenýshilerge 1 mlrd teńgeden astam zalal ótelgen, onyń 800 mln teńgesi memleket múddesine qaıtaryldy, bul 2018 jylmen salystyrǵanda 5 esege kóp» delingen habarlamada.

Sondaı-aq, memleket paıdasyna 1 mlrd 700 mln teńgeni quraıtyn kontrabandalyq taýarlar berildi.

Mysaly, 2019 jyly Bas kólik prokýratýrasynyń arnaıy prokýrorlary sotqa 11 tulǵaǵa qatysty qylmystyq isti joldady. Olar keden qyzmetkerleriniń qamqorlyǵynda bolyp, uıymdasqan qylmystyq top quramynda Birikken Arab Ámirlikterinen asa iri mólsherde «temeki jáne shınalar» kontrabandasymen aınalysqan.

Atalǵan qylmystyq is boıynsha ótken jyly 31 jeltoqsanda Mańǵystaý oblystyq qylmystyq ister jónindegi mamandandyrylǵan aýdanaralyq sotynyń aıyptaý úkimi shyqty. 1 mlrd 400 mln teńgeni quraıtyn kontrabandalyq taýar memleket paıdasyna tárkilengen.

Aıta ketý kerek, 2018 jyldyń 1 shildesinen bastap «Jábirlenýshilerge ótemaqy tóleý qory týraly» Zań normalary qoldanysqa engizildi. Bul sottarǵa jazasyn alǵandardan májbúrli tólemderdi osy qordyń paıdasyna óndirip alý quqyǵyn berdi.

Búgingi kúni, kóliktegi ister boıynsha sotpen 18,3 mln. teńgeden astam tólem óndirip alyndy, onyń 11,3 mln teńgesi erikti túrde, 3,6 mln teńgesi májbúrli túrde, qalǵan 3 mln teńgesi oryndalýda.

1 shildeden bastap qordan aqshalaı qarajat birjolǵy qarjylyq ótemaqy túrinde jábirlenýshilerge beriletin bolady. Tólem mólsheri - 30-dan 50-ge deıingi AEK.​

Ótemaqy adam saýdasynyń nemese azaptaýdyń qurbandaryna, kámeletke tolmaǵan jynystyq zorlyq-zombylyq qurbandaryna, densaýlyqqa aýyr zııan keltirilgen adamdarǵa (onyń ishinde JQTB vırýsyn juqtyrǵandar), jábirlenýshi qaıtys bolǵan jaǵdaıda, zańdy ókilderine (tizimde Qylmystyq kodekstiń 46-baby boıynsha 124 qylmys quramy kózdelgen) tólenetin bolady.





Illıýstratsııalyq foto

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT