Jańalyqtar  >
Shetelden kelgen qazaq ónerpazdary Taraz jurtyn óz ónerlerimen tánti etti
2022 jylǵy 13 tamyz 15:06

Shetelden kelgen qazaq ónerpazdary Taraz jurtyn óz ónerlerimen tánti etti

NUR-SULTAN. QazAqparat - 2022 jylǵy 11-12-tamyz kúnderi Taraz qalasyndaǵy «Balasaǵun» atyndaǵy mádenıet saraıynda «Qasıetti qazaq eli» halyqaralyq óner festıvali (budan ári – Festıval) ótti, dep habarlaıdy QazAqparat.

Festıvalǵa 8 shetelden kelgen ónerpaz qandastarymyz qatysty.

Festıval 11 tamyzda jumysyn bastady. Bul kúni qolónershiler buıymdaryn kórmege ornalastyrdy, odan bólek barlyq qatysýshylar kóne Taraz qalasynyń mádenı-tarıhı jerlerimen tanysyp, Jambyl oblysynyń ákiminiń qabyldaýynda boldy.

12 tamyzda qatysýshylardyń barlyǵy ár atalym boıynsha kúni boıy óner kórsetti. Atap aıtqanda, festıval aıasynda vokal-dástúrli án aıtý, jyr músháırasy, terme men kúı saıysy jáne qolóner nomınatsııalary boıynsha 35 úmitker baq synasty.

Aıta ketý kerek bul festıvlge qatysýǵa barlyǵy 140 úmitker tirkeldi. Óner festıvaline Túrkııa, Iran, Mońǵolııa, Qytaı, Reseı, Ýkraına, Ózbekstan, Qyrǵyzstan sııaqty memleketterden ónerpazdar irikteldi.

Halyqaralyq óner saıysynyń bas júldesin Reseıden kelgen qolónershi Aınagúl Barambaeva (500 000 teńge jáne televızor) ıelendi.

Baıqaý jeńimpazdary:

І) Jambyl atyndaǵy «Terme men Kúı» nomınatsııasy boıynsha

І oryndy (300 000 teńge) - termeshi Jańǵar Mambetnazarov (Ózbekstan);

ІІ oryn (200 000 teńge) - termeshi Nursalıev Janaıdar (Reseı)

ІІІ oryn (100 000 teńge) - kúıshi Baızýllaev Arman (Reseı).

ІІ) Roza Baǵlanova atyndaǵy «Vokal, Dástúrli án salý» atalymy boıynsha

І oryn (300 000 teńge)- Nurshat Zeıiphan, (Qytaı)

ІІ oryn (200 000 teńge)- Kdyrova Inesh, (Ýkraına)

ІІІ oryn (100 000 teńge)- Rýstam Rýslanov, (Qyrǵyzstan)

ІІІ) Abaı atyndaǵy «Músháıra» atalymy boıynsha

І oryn (300 000 teńge) - Tilektes Aqylbekuly, (Mońǵolııa)

ІІ oryn (200 000 teńge)- Myrzathan Tanjıra, (Mońǵolııa)

ІІІ oryn (100 000 teńge) - Abdiqalıev Meırambek, (Ózbekstan)

ІV) «Qolóner» atalymy boıynsha

І oryn (300 000 teńge) - Shalaq Qadıfen, (Iran)

ІІ oryn (200 000 teńge)- Yrystanuly Bazar, (Túrkııa)

ІІІ oryn (100 000 teńge) - Hanjarbaı Seterhan, (Mońǵolııa)

Odan bólek Sherhan Murtaza atyndaǵy kórermen kózaıymy onlaın daýys berý boıynsha termeshi Dáýren Quralbek (Qytaı elinen) syılyqqa (400 000 teńge) ıe boldy.

Osymen 5-shi ret ótip otyrǵan dástúrli festıval, «Otandastar qory» kommertsııalyq emes aktsıonerlik qoǵamynyń uıymdastyrýymen Qazaqstan Respýblıkasy Syrtqy ister mınıstrligi men Jambyl oblysy ákimdiginiń qoldaýymen ótkizilip otyr.

Gala-kontsertke oblys ákimi Nurjigitov Nurjan myrza men oblys pen qala resmı ókilderi qatysty.

Sondaı-aq festıvaldiń bas demeýshisi: Tarazdaǵy «Qazaq Soda» kompanııasy ókili Mehmet Latıf Chaıhan myrza, «Sherhan Murtaza» atyndaǵy qaıyrymdylyq qorynyń ókili Madına Karymbaeva,

«Abaı-Jıdebaı» qorynyń ókili Qosybaev Mıras qatysty. TÚRKSOI halyqaralyq uıymynyń syılyǵy Qazaqstannyń Ystanbuldaǵy Bas konsýly Álim Báıel tabys etti.

Halyqaralyq festıvalge qatysýshy qandastarymyz atajurt Qazaqstanǵa degen eń shynaıy rızashylyqtaryn bildirip, aq júrek tilekterin jetkizdi. Qazaq ulttyq ónerin shetelde dáriptep, saqtap júrgen óner adamdary úshin osyndaı is-sharalar baǵa jetpes múmkindik ekenin atap ótti.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT