+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Sheteldegi qazaqtildi BAQ-qa sholý: Quljalyq kelinshektiń armany – «kıiz úıge til bitirý»

2020 jylǵy 19 sáýir 12:58
Bólisińiz:
Sheteldegi qazaqtildi BAQ-qa sholý: Quljalyq kelinshektiń armany – «kıiz úıge til bitirý»

NUR-SULTAN. QazAqparat- «QazAqparat» HAA ádettegideı shetelde qazaq tilinde taraıtyn aqparat kózderine aptalyq sholýyn usynady.

Qurt pen irimshiktegi baqyttyń dámi - Tıanshannet

Qytaıdyń «Tıanshannet» aqparattyq portalynda osyndaı taqyryppen maqala jaryq kórdi.

Shynjańnyń Mońǵolkúre aýdany, Qarasý qalashyǵy, Aqsaı aýyly Mýıyńtaı mal ónimderin óńdeıtin kásiptik kooperatıviniń tsehynda qyz-kelinshekter qarbalas jumys istep júr. Olar qazaqtyń dástúrli taǵamy bolǵan qurt pen irimshikti jasaıdy. Bul ónimderdi jasaýda aldymen sútten aıran uıytyp, irkit daıyndalady. Olardy ashytqannan keıin meskeıde (kástrólde) qaınatyp, onan soń maqtadan jasalǵan dorbaǵa quıyp, sýyn aǵyzyp sorǵytyp, qurt jasaıdy. Jumysshylar qurt pen irimshiktiń pishinin qazaqı daǵdy boıynsha qolmen daıyndaıdy da jaıyp keptiredi.

Mýıyńtaı mal ónimderin qaıta óńdeıtin kooperatıv 2015 jyly qurylǵan. Atalǵan ortalyq sút ónimderinen jasalatyn qazaq ultynyń ǵana dástúrli taǵamdaryn ázirleıdi. Onyń ishinde qurt-irimshik, sary maı, aıran syndy ónimder bar. Tabıǵı taza ónimderdi týrıster erekshe unatyp jeıtini jazylýda.

«Qazirgi ýaqytta kooperatıvte shamamen 20 adam jumys isteıdi. Jumysshylardyń kópshiligi jaqyn mańdaǵy aýyl turǵyndary», - delingen aqparat kózinde.

«Kıiz úıge til bitiremin»: quljalyq kesteshi kelinshektiń armany - Tıanshannet

QHR-dyń Shynjańnyń Іle qazaq avtonomııaly oblysy, Qulja qalasynda «kesteshi kelinshek» atanǵan Jeńisgúl Nurdanaqynnyń sheberhanasy bar. Ol ulttyq kıim-keshekti, kıiz úı mádenıetin zertteýge, jasaýǵa jáne ony qoǵamda nasıhattaýǵa atsalysýda. Atalǵan aqparat kóziniń deregine súıensek, J. Nurdanaqynyń kesteshilikpen aınalysqanyna bıyl 22 jyl bolǵan.

«Kesteshi kelinshektiń» negizgi ustanymy saýda isteýden góri, dástúrli mádenıetti damytý, dep jazady qytaılyq BAQ.

Onyń basty maqsattarynyń biri qazaqtyń kıiz úıin zaman talabyna saı etip, adamdardyń paıdalanýyna qaıta engizý. Jeńisgúl kıiz úıdiń keıbir ishki problemalaryn sheshýge jáne ony tanymal etýge talpynýda. Ol sol úshin dástúrli baspananyń jańa túrin zertteý jáne ázirleý úshin Іshki Mońǵol ólkesindegi kásiporynmen kelisimshart jasasqan.

Jeńisgúl tsıfrlyq nusqalar arqyly kıiz úıdiń úlgilerin áleýmettik jelige salyp, qoǵamǵa tanymal bolýyna jol ashty. Ótken jyly jobalap jasaǵan bıiktigi 10,2 metr, dıametri 20 metr, jalpy aýdany 350 sharshy metrlik úlken kıiz úıi halyqtyń erekshe qyzyǵýshylyǵyn týdyrǵan.

Onyń aıtýynsha, qazaqtyń kesteshilik óneri ultymyzdyń máıekti mádenıetiniń biri.

«Kesteshilik, syrmaq tigý, basqur toqý - bul apa-ájelerimizden bizge qalǵan eń qundy mura. Alǵash kesteshilik ortalyǵyn qurǵan kezden bastap, Іleniń jer-jerindegi qart qolónershilerge baryp, tájirıbe jınadym. Qazir de osy ulttyq ónerimizdi úırengisi keletin jastardyń barlyǵy olardan alǵan úlgilerime tańǵalady. Tekes aýdanyndaǵy bir ájeı kesteshilik ónerdiń kóptegen túlerin úıretti. Sol sekildi qazaqı kolónershilerdiń birazy ózderinde bar keste buıymdaryn maǵan tapsyryp berdi. Tipti, keıbireýleri kóz jumar aldynda meni shaqyryp alyp, ultymyzdyń osyndaı bekzat ónerin jaqsy qorǵaýymdy ári jalǵastyrýymdy ósıet etip, aıtyp ketti. Sondyqtan meniń endigi armanym – ulttyq muramyz - kesteshilikti jan-jaqty damytyp, kıiz úıge til bitirý», - deıdi ol.

Mońǵolııadaǵy Elshi Jalǵas Ádilbaev: Eki eldiń yntymaqtastyǵyn arttyrýdyń mol múmkindigi bar

Osy aptada mońǵolııalyq kaznews.mn aqparattyq portalynda Qazaqstan Respýblıkasynyń Mońǵolııadaǵy Tótenshe jáne Ókiletti Elshisi Jalǵas Jumauly Ádilbaevtan alǵan suhbatyn usynǵan.

Jalǵas Ádilbaev bul suhbatynda eki el arasynda qazirgi qarym-qatynastyń jaı-kúıi týraly jan-jaqty maǵlumat bergen.

Atap aıtar bolsaq, QR Eshlisi Qazaqstan men Mońǵolııanyń ekonomıkalyq saladaǵy qarym-qatynasy sońǵy jyldary jaqsy damyǵanyn tilge tıek etti.

«Bizden kóbinese un ónimderi, shylym, raps tuqymy, maıly daqyldar tuqymymen qatar, kofe, shokolad ónimderi sııaqty azyq-túlik jáne kólik jabdyqtary Mońǵolııaǵa eksporttalýda. Al Mońǵolııadan Qazaqstanǵa negizinen et, et ónimderi, poshta markalary, qundy qaǵazdar, túbit, kilem men jún ónimderi ımporttalady... Eki eldiń tabıǵaty men aýa raıy uqsas bolǵandyqtan qys mezgilindegi qatty sýyq kezde de jumys isteı alatyn qoǵamdyq kólikterdi engizýimizge bolady», - deıdi Qazaqstan Respýblıkasynyń Mońǵolııadaǵy Tótenshe jáne Ókiletti Elshisi.

Sondaı-aq dıplomat bıylǵy jylǵa josparlanǵan eki el arasyndaǵy joǵary deńgeıdegi resmı saparlar da baryn aıtty.

«...Bıyl bizdiń eldiń Úkimet basshysy A.Mamın sizderdiń elderińizge kelýdi josparlaýda. Mońǵolııanyń buqaralyq aqparat quraldarynda Prezıdent H.Battýlga Qazaqstanǵa barady dep jazylýda. Ózara ekijaqty qatynastyń mańyzdylyǵyna oraı qazaqstandyq tarap osy josparlanyp otyrǵan saparǵa erekshe nazar aýdarýda. Sondaı-aq bıyl Saýda-ekonomıkalyq, ǵylymı-tehnıkalyq jáne mádenı yntymaqtastyq jónindegi Qazaqstan-Mońǵol úkimetaralyq komıssııanyń VIII májilisin Ulanbatyr qalasynda ótkizýdi josparlap otyrmyz», - deıdi qazaqstandyq elshi suhbatta.

Túrkııadan Ortalyq Azııaǵa júk poıyzy jolǵa shyqty - TRT

Túrkııada óndirilgen eksport taýarlaryn Ázerbaıjan, Qazaqstan, Túrikmenstan jáne Ózbekstanǵa jetkizetin poıyz Karstan Grýzııaǵa qaraı jolǵa shyqty, dep habarlaıdy Túrkııa RadıoTelevızııa portaly.

Aqparat kóziniń deregine súıensek, Túrkııada óndirilgen taýarlardy Ázerbaıjan, Qazaqstan, Túrikmenstan jáne Ózbekstanǵa jetkizetin 940 metrlik poıyz 82 konteınerden turady.

«940 metrlik poıyz Baký-Tbılısı-Kars jelisinde qazirge deıin júrgen eń uzyn poıyz bolyp sanalady. Túrkııanyń Kars qalasynan qozǵalǵan poıyz alǵashqy aıaldamasy Grýzııaǵa qaraı jolǵa shyqty. Jeli boıyndaǵy elderge júk tastaıtyn poıyz toǵyz kúnnen keıin Ózbekstanǵa baryp jetedi. Toǵyz kún ishinde barlyq júgin mejelerine jetkizetin bolady», - dep jazady TRT.

Iran koronavırýs juqtyrǵan naýqastarǵa bódene etiniń syǵyndysyn daıyndaýda - «Fars» aqparat agenttigi

Iran koronavırýs juqtyrǵan naýqastarǵa bódene etiniń syǵyndysyn daıyndap berýde, dep habarlaıdy Rarstoday.

Iran koronavırýstyń taralýymen kúresip jatqan kúnderi halyqtyń erikti toptary koronavırýs juqtyrǵan naýqastar men olardy emdeıtin dárigerler jáne medbıkeler úshin kún saıyn 500 bódene etiniń syǵyndysyn daıyndaýda. Irandyq BAQ-tyń dereginshe, bódene etiniń syǵyndysy adamnyń ımmýnıtetin kúsheıtýge kómektesedi eken.

ıÝNESKO tizimindegi Túrkııanyń mádenı muralarynyń sany 83-ke jetti - TRT

ıÝNESKO tizimine taǵy 5 mádenı muramyz endi. 18 cáýirde Túrkııa Radıo Televızııa portalynda osyndaı taqyrypta aqparat jaryq kórdi.

TRT-niń keltirgen málimetine súıensek, ıÝNESKO álem muralary tizimine Túrkııanyń taǵy 5 nysanyn engizgen. Osylaısha, eldiń mádenı muralarynyń sany 83-ti qurady.

«Osylaısha 2019 jyly tizimde 78 bolǵan Túrkııanyń mádenı murasy 83-ke jetti. Álemdik muralar tizimine tirkelgen mádenı muralar Ankaranyń Beıpazary tarıhı qalasy, Izmır tarıhı kemejaı qalasy, Osmanıedegi Karatepe-Aslantash Arheologııalyq alańy, Kaıseridegi Koramaz qoınaýy jáne Dııarbakyrdaǵy Zerzevan qamaly men Mıtreým ǵıbadathanasy», - dep jazady túrkııalyq BAQ.

Koronavırýs adamdardyń psıhıkalyq densaýlyǵyna yqpal etýi múmkin - TRT

Psıhologtar jańa tıpti koronavırýs indetiniń qazir jáne bolashaqta adamdardyń psıhıkalyq densaýlyǵyna «tereń» áser etýi múmkin ekeni jóninde eskertti, dep habarlaıdy Túrkııa Radıo Televızııa portaly.

Atalǵan BAQ-tyń deregine súıensek, mamandar COVID-19 indeti adamdardyń psıhıkalyq densaýlyǵyna keri yqpalyna baılanysty kólemdi aldyn alý jumystary jasalýy kerek.

«Mamandar koronavırýs indeti sebep bolǵan jalǵyzdyq pen áleýmettik oqshaýlaný sebepti adamdarda ýaıym-qaıǵy, depressııa, jáne ózine qol jumsaý talpynystary mólsheriniń baqylaýǵa alynýy qajettiligin de atap ótti. Keıbir elderdegi saýalnamalar indet sebep bolǵan ýaıym men jalǵyzdyqtyń qazirdiń ózinde psıhıkalyq densaýlyqqa nashar áserin tıgizgenin kórsetip otyr. Osy kezeńde ashýshańdyq pen ýaıymshyldyq sııaqty mazasyzdyqtan aýlaq bolý qajet. Ol úshin árkim ózi qyzyǵatyn nárselermen aınalysý, kitap oqý, fılm kórý, úı jumystaryn isteý syndy paıdaly áreketterge talpynýǵa tıis. Sondaı-aq, sporttyq qımyldar jáne keń tynys alý sııaqty ádisterdiń adamdardyń densaýlyǵyna paıdaly bolatyny usynys etilýde», dep málimdeıdi túrkııalyq BAQ.

Ózbekstanda COVID-19 týraly derekti fılm túsirilmek - «ÓzA» aqparattyq agenttigi

«Ózbekkıno» ulttyq agenttigi Ózbekstan Respýblıkasyna koronavırýstyń kirip kelýi men onyń taraýynyń aldyn alý jónindegi is-sharalar baǵdarlamasyn daıyndaý boıynsha arnaıy komıssııanyń kómegimen COVID-19 týraly fılm túsirýdi bastady, dep habarlaıdy «ÓzA».

«Derekti fılm kınohronıka túrinde túsirilmek. Onda COVID-19 atty qaýipti indettiń Ózbekstanda taralýy men pandemııasyna qarsy kúreste úkimettiń qabyldaǵan sharalary, sondaı-aq vırýs juqtyrǵan naýqsatar úshin qurylǵan arnaıy aýrýhanalar jaıly beıneler taspalanady.Úkimet músheleri, medıtsına qyzmetkerleri, sarapshylar, quqyq qorǵaý organdarynyń qyzmetkerleri jáne indetten saýyqqan naýqastarmen suhbattarǵa keńinen sholý jasalady», dep málimdeıdi ózbekstandyq BAQ.


Bizdiń kanalymyzǵa jazylyńyz:

#BAQ   #Álem  
Bólisińiz:

Avtor:

Beısen Sultan

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT