+7 (701) 759 90 19
USD 420.65 EUR 505.03
RUB 5.64 CNY 65.01
Jańalyqtar

Sheteldegi qandastarǵa qazaq tilin úıretý jobasy talqylandy

2021 jylǵy 25 qańtar 07:38
Bólisińiz:
Sheteldegi qandastarǵa qazaq tilin úıretý jobasy talqylandy

NUR-SULTAN. QazAqparat - Sheteldegi qandastar men otandastarǵa arnalǵan qazaq tilin úıretý jobasy talqylandy, dep habarlaıdy QazAqparat.

«Otandastar qory» kommertsııalyq emes aktsıonerlik qoǵamy men Sh.Shaıahmetov atyndaǵy «Til qazyna» ulttyq ǵylymı-praktıkalyq ortalyǵy arasynda kezdesý ótti. Іs-sharaǵa «Otandastar qorynyń» vıtse-prezıdenti Maǵaýııa Sarbasov, Jobalar koordınatory Dıdar Bolat, «Til qazyna» ortalyǵynyń Ádisteme basqarmasynyń basshysy Sofııa Omarova, bas menedjer Nurjan Seısenbek jáne eki uıymnyń ókilderi qatysty.

Kezdesý aıasynda «Otandastar qory», «Dúnıejúzi qazaqtary qaýymdastyǵy» jáne Sh.Shaıahmetov atyndaǵy «Til qazyna» ǵylymı-praktıkalyq ortalyǵynyń uıymdastyrýymen sheteldegi qandastar men otandastarǵa arnalǵan qazaq tilin úıretý jobasy talqylandy.

Jobanyń basty maqsaty – sheteldegi etnıkalyq qazaqtardyń bilim alýyna jáne tilin saqtap qalýyna jaǵdaı jasaý, qazaq tiliniń taralý aımaǵyn keńeıtý, shet elderdegi qazaqtar arasynda qazaq tiliniń mártebesin kóterý.

Shettegi qandastarymyzǵa qazaq tilin oqytatyn ortaq ádistemelik arqyly 3 baǵytta («Abaı ınstıtýty» portaly, «Onlaın» formattaǵy kýrstar, «Oflaın» formattaǵy kýrstar) birdeı oqytylady. Atalǵan til oqytý baǵyttarǵa ádistemelik qoldaý kórsetip, baǵdarlamalar daıyndaýǵa atsalysqan – Sh.Shaıahmetov atyndaǵy «Til qazyna» ǵylymı-praktıkalyq ortalyǵy.

Aıta ketý kerek, kýrs sońynda barlyq baǵyttyń nátıjesi «Qaztest» júıesi arqyly anyqtalyp, qatysýshylarǵa til bilý deńgeıine qaraı sertıfıkat tapsyrylady. 11-18 jas aralyǵyndaǵy qatysýshylardyń sertıfıkattary «Otandastar qory» KEAQ pen «Dúnıejúzi qazaqtary qaýymdastyǵy» RQB uıymdastyratyn balalar lagerine tegin qatysýǵa múmkindik beredi.

Bizdiń kanalymyzǵa jazylyńyz:

#Qandastar   #Til  
Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT